Uzbekistan Airways авиаширкати Тошкент - Франкфурт - Тошкент йўналиши бўйича мунтазам парвозлар тикланганини эълон қилди.
Қайд этилишича, илк қатновлар 4 ва 18 март кунлари жадвалга мувофиқ равишда амалга оширилади.
Авиаширкат чипталарни ўз веб-сайти, "Uzbekistan Airways Sales" филиали ёки агентларнинг офисларидан сотиб олиш мумкинлигини эслатган.
Ўтган ҳафта Республика махсус комиссияси қарори билан Ўзбекистон ва Германия ўртасидаги авиарейсларни тўхтатиш бўйича жорий этилган чеклов бекор қилингани ҳақида Озодлик аввал хабар қилган.