Шавкат Мирзиёев Россия бошчилигидаги Коллектив хавфсизлик шартномаси ташкилоти - КХШТнинг Афғонистон юзасидан ўтказиладиган саммитида меҳмон сифатида иштирок этади.
Расман билдирилишича, саммит видеоконференция форматида 23 август куни бўлиб ўтади. Шавкат Мирзиёев “Афғонистонда юзага келган вазиятни ҳисобга олган ҳолда, шунингдек, яқин ҳамкор давлатлар ва минтақадаги қўшнилар томонидан эҳтимолий таҳдидлар ва хавф-хатарларга жавоб қайтариш бўийча амалга оширилаётган чора-тадбирлар билан чуқур танишиш мақсадида” саммитда иштирок этади.
Коллектив хавфсизлик шартномаси ташкилотини ташкил этиш тўғрисидаги шартнома 1992 йилнинг 15 майида Арманистон, Қозоғистон, Қирғизистон, Россия, Тожикистон ва Ўзбекистон томонидан Тошкентда имзоланган эди.
Ўзбекистон 1999 йилда КХШТ аъзолигидан чиққан эди. Таҳлилчилар шу йиллар давомида Москва Тошкентни ташкилотга қайтариш учун ҳаракат қилиб келаётганини айтадилар.
Айни пайтда Арманистон, Беларусь, Қозоғистон, Қирғизистон, Россия ва Тожикистон ташкилотга аъзо давлатлар ҳисобланади.