Янги аэродром мажмуасини ишга туширишга тайёргарлик олиб борилаётгани ортидан Самарқанд халқаро аэропорти 20 октябрдан 20 ноябргача вақтинча ёпилади.
Uzbekistan Airports ширкатининг хабар беришича, Самарқандга амалга оширилаётган брча авиарейслар Навоий, Бухоро, Қарши аэропортларига йўналтирилади. Мазкур аэропортлардан Самарқандга автотранспорт қатнови йўлга қўйилади.
Расман билдирилишича, Самарқанд аэропортининг узунлиги 3105 метр ва кенглиги 60 метр бўлган янги учиш-қўниш йўлаги қурилиши тўлиқ якунланди. Бир ой ичида янги учиш-қўниш йўлагини бурилиш йўллари ва перрон билан боғлаш ишлари олиб борилади.
Самарқанд аэропортининг янги мажмуаси 2022 йилда ШҲТ саммитига тайёргарлик доирасида қурилмоқда.