АҚШ нинг Ироқдаги муваққат маъмурияти илк раҳбари Жей Гарнер, тез орада Бағдодда “чеҳраси ироқлик” бўлган ҳукумат тузилажаги ҳақида ваъда берганидан бери ҳам қарийб уч ой вақт ўтди. Аммо Жей Гарнер ўрнини Пол Бремер эгаллаганидан сўнг, бу ваъда ҳам, мамлакатни бошқаришни ироқликларнинг ўзига топшириш мажбурияти ҳам унутилаëзди. Бу эса, нафақат Ироқ сиëсий гуруҳлари, балки оддий халқ ғурурини оғритмай қолмади ва айрим кузатувчилар мамлакатда америкаликларга қарши кучайиб бораëтган турли ҳужумлар сабабини ҳам, Вашингтоннинг амалда Ироқни бошқаришни ироқликларга беришни истамаëтгани билан боғламоқдалар.
