27 февраль кунги ҳукумат йиғилишида президент "эртага Сенат"нинг давлат амалдорларининг тўй-ҳашамларига боришини тақиқловчи қарори чиқажагини билдирди.
16 июнь куни Тошкент шаҳар Учтепа туманидаги 78-мактабга борган президент Шавкат Мирзиëев мазкур мактаб базасида 11 йиллик мактаб тизимини қайта тиклаш таклифини ўртага ташлади.
2016 йил 28 ноябрь куни лойиҳаси жамоатчилик муҳокамасига қўйилганидан 10 ойча ўтиб¸ 2017 йил 2 сентябрь куни президент валюта сиëсатини либераллаштириш ҳақида фармон чиқарди.
Президент Мирзиëев 2017 йилнинг 17 март куни "Тадбиркорлик субъектлари ва кенг аҳоли қатламига микрокредитлар ажратиш тизимини янада соддалаштириш чора-тадбирлари тўғрисида" қарор қабул қилди.
5 октябрь куни Шавкат Мирзиëев самарқандликларга 1973 йилда олиб ташланган трамвай қатновини қайта тиклашни ваъда қилди.
Сайловолди кампанияси давомида президентликка номзод Шавкат Мирзиëев "дорихоналарда нарх-навонинг бесабаб ошиб кетишига йўл қўймайдиган энг қатъий чораларни кўрамиз"¸ дея ваъда берди.
28 ноябрь куни жамоатчилик муҳокамасига қўйилган “Валюта сиëсатининг устувор йўналишлари тўғрисида”ги қарори лойиҳасининг 15 январда кучга кириши эълон қилинди.
9 февраль куни Шавкат Мирзиёев ҳафтанинг пайшанба кунини жиноятчиликнинг олдини олиш ва профилактика куни, деб эълон қилишни таклиф этди.
Президент Мирзиёев 2 февраль куни Ўзбекистондаги барча пенсионерларга пенсияни февралдан бошлаб 100 фоиз нақд пулда тўлаш кўзда тутилган қарорни имзолади.
"Ўзбекистон ҳаво йўллари" миллий авиакомпанияси бош директори Валерий Тянь 2016 йил 5 ноябрида Тошкент-Душанбе ўртасидаги авиақатнов 2017 йил биринчи ярмидан йўлга қўйилишини баëн қилди.
14 январь кунги ҳукумат йиғилишида Шавкат Мирзиëев¸ "қишлоқдаги кам таъминланган ҳар бир оила¸ 100 та товуқ боқсин¸ кам таъминланган оила бўлмайди"¸ деган формулани ўртага ташлади.
Ўзбекистон Конституциясининг 24 йиллигига бағишланган тадбирда қилган нутқида Шавкат Мирзиëев ҳар бир туман ва шаҳарда "Халқ қабулхоналари" ташкил этилишини ваъда қилди.