Тошкент шаҳри
ТОШКЕНТ – “Болалар шифохонасининг лифти созлаб берилса эди...”
“Республика болалар шифохонаси (САМПИ) неврология бўлимида 3 йилдан бери фарзандларим билан даволаниб келамиз. Йилда бир неча марта ётамиз. Ҳар гал ногирон ва аҳволи оғир касалларга мўлжалланган лифт ишламайди. Ногиронлар қийналиб зинадан чиқади.
18 январь куни эрталаб соат 8 да боргандик, зўрға соат 14 да жойлашдик. Қабул қилишни осонлаштириш мумкин-ку. Айрим ходимлар лоқайд, фақат ниқоб ва бахилла талаб қилишади.
Соғлиқни сақлаш вазирлигидан ҳолатга эътибор қаратиб, ногирон ва беморлар фойдаланиши учун лифтни ишлатиб қўйишларини сўраймиз”.
(Бу хабар STга 20 январь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ – “Уйимиз атрофи 3 йил аввал ўраб олинган, аммо амалий ҳаракат йўқ...” (ВИДЕО)
ЯККАСАРОЙ. “Тошкент шаҳри Яккасарой тумани Бобур кўчасидаги 24, 26, 28-уйларда яшовчи аҳоли номидан мурожаат қиляпмиз. 2018 йилда “Айсберг” гуруҳи уйларимиз атрофини ўраб олган, аммо амалий ҳаракат йўқ. Ҳуқуқларимиз бузилмоқда. Бу масалада судгача бордик, аммо натижа бўлмади. Ҳурматли Президентимиз Шавкат Мирзиёев, Бош прокурор Ниғматилла Йўлдошев ва Тошкент шаҳри ҳокими Жаҳонгир Ортиқхўжаевдан амалий кўмак кутиб қоламиз”.
(Бу хабар STга 29 ноябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Кўчмас мулк сотиб олдим, аммо собиқ уй эгасини пропискадан чиқаролмаяпман”
ЮНУСОБОД. “Тошкент шаҳри Юнусобод туманидан мурожаат қиляпман. 2020 йил март ойида кўчмас мулк сотиб олганман. Аммо собиқ уй эгасини пропискадан чиқариш учун бир йилдан бери сарсон бўлиб юрибман. Мирзо Улуғбек туманлараро судига барча ҳужжатларимни тақдим этганман, лекин ҳалигача суд иши кўрилмади. Бу борада Юнусобод ИИОга ҳам мурожаат қилдим, лекин иш ҳал бўлгани йўқ. Ушбу ташкилотлар ишини ким назорат қилади? Қачон бу бюрократияга чек қўйилади? Президент Шавкат Миромоновичдан амалий кўмак сўрайман”.
(Бу хабар STга 16 октябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Фуқаролар гаражлари ўзбошимчалик билан бузилмоқда, ҳолбуки...” (ВИДЕО)
“Тошкент шаҳри Яшнобод туманидан мурожаат қиляпмиз. Туман ҳокимлиги ва туман ИИБ масъуллри якшанба дам олиш куни эканига ҳам қарамай, Жарқўрғон кўчасидаги гаражларни буздира бошлади. “Снос” учун бирор қонуний ҳужжат ва асос мавжуд эмас. Бузиш жараёнида бир аёлга тан жароҳати ҳам етказилди. Ҳолбуки, фуқаролар гараждан фойдаланилганлик учун тўловларни амалга ошириб келган.
Туман раҳбарларининг бу хатти-ҳаракати муҳтарам Президентимиз Ш.Мирзиёевнинг халқни рози қилиш сиёсати ҳамда Вазирлар Маҳкамасининг 2013 йил 31 июлда тасдиқланган “Автомототранспорт воситаларини доимий ва вақтинчалик сақлаш жойларини ташкил этиш ҳамда фойдаланиш ҳақида”ги 213-сонли қарори билан тасдиқланган Низомга зиддир. “Ички ишлар органлари тўғрисида”ги қонунга кўра ИИБнинг “снос”га доир ваколати йўқ.
Биз яшаётган манзил 3-секторга қарашли, лекин сектор раҳбарини умуман кўрмаганмиз. У бирон марта бизнинг уйимиз яшовчилари билан мулоқот қилмаган, мавжуд муаммоларни баратараф этиш ҳақида тушида ҳам ўйлаб қилмаган. Хўш, ИИБнинг бевосита вазифаси бўлган жиноятчиликка қарши курашиш, жамоат тартибини сақлаш ва қидирувдаги жиноятчиларни ушлаш қолиб, биноларни бузиш билан шуғулланаётганини қандай изоҳлаш мумкин? Яна бир савол: Жарқўрғон кўчаси 11-уй ёнидаги ноқонуний қуриб олинган ошхона нега бузилмади? Ё бу ерда маҳаллий масъулларнинг манфаатдорлиги борми?
Ҳурматли Президентимиз Ш.Мирзиёевдан ва Ички ишлар вазири П.Бобожоновдан ноқонуний бузишларни тўхтатишда кўмак кутиб қоламиз. Бузиб ташланган гаражларимиз ўрнига янги гараж қуриб беришларини сўраймиз”.
(Бу хабар STга 3 октябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ – “Ҳолбуки, қизлар ХТВ қўйган талабларга мос кийинган эди”
ЯШНОБОД. “Тошкент шаҳри Яшнобод туманидаги 307-мактаб директори 4 ўқувчи қизни рўмоли учун мактабдан ҳайдаб юборди. Эртага рўмолсиз, калта юбкада келсангиз мактабга киргизамиз, дебди. Ҳолбуки, ўқув йили бошланишида Халқ таълими вазири ўқувчи қизлар рўмол ва миллий либосда келиши мумкинлиги ҳақида маълум қилган эди. Қизлар ҳам ХТВ қўйган талабларга мос кийинган эди. Ҳолатга масъуллар эътибор қаратишларини сўраймиз”.
(Бу хабар STга 9 сентября куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Гаражларимиз ноқонуний бузилишига қаршимиз”
ЯШНОБОД. “Президентимиз жорий йилда ўтказиладиган сайловолди ташвиқотлари ва халққа ёрдам бериб, аҳолини кайфиятини кўтариш билан банд бўлган бир пайтда, Тошкент шаҳри Яшнобод туман ҳокими ва унинг қўл остидаги ходимлар Жарқўрғон кўчасида жойлашган хонадонларга кадастр асосида бириктирилган ва мулк ҳисобланган гаражларни бузмоқчи. Биз бу қонунсизликка қаршимиз!..”
(Бу хабар STга 14 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Бор-будимни сарфлаб қурган бином бузилди, товон пули ҳам берилмади” (ВИДЕО)
“Мен – Сувон Юнусов, кўмак сўраб ҳурматли президент Шавкат Миромоновичга мурожаат қилмоқдаман. 2014 йили Сергели туманини ривожлантириш дастури доирасида тадбиркорларга ер ажратила бошлади. Жумладан, менга ҳам Лутфкор кўчасида жойлаган “Пойтахт технопарк” МЧЖ ҳудудидан 1200 квадрат метр бўш ер жой берилди. 2014-15 йиллар мобайнида бор-будимни сотиб ўз маблағим ҳисобидан автомобилларга хизмат кўрсатиш шохобчаси қурдим. 2015 йил май ойида 810 млн сўм сармоя киритилиши шарти билан шартнома тузилди. 2016 йили “Пойтахт технопарк” МЧЖ тугатилиб, ўрнида “Сергели кичик саноат зонасини бошқариш дирекцияcи” ДУК тузилди. Дирекция раҳбари бинони номимга расмийлаштиришга ваъда қилди, мен барча ҳужжатларни бердим, аммо у бинони кичик саоат зонаси ҳисобига ўтказибди. Бир неча йил давомида ўзим қурган бинода ижарада ишладим. 2020 йил метро қурилаётгани сабаб мен қурган бино бузилди. Ўзим қурган бинога нисбатан эгалик ҳуқуқим йўқлиги сабаб компенсация ҳам берилмади. Мен бу ерга топган пулимни сарфладим, 12 та иш ўрни яратдим. Энди эса, мураккаб ҳолатда қолдим. Нажотни сиздан кутяпман, ҳурматли Шавкат Миромонович! Яқинлашаётган сайловда ғалаба ёр бўлишини тилайман”.
(Бу хабар STга 14 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: "Гаражларни бузиб корхона қуришмоқчи. Аҳоли бундан норози" (ВИДЕО)
ЮНУСОБОД. “Тошкент шаҳри Юнусобод тумани 10-даҳадан мурожаат қиляпмиз. Аҳоли 1986 йилдан бери фойдаланиб келган, 2-уйнинг орқасидаги гаражларни бузиб корхона қуришмоқчи. Аҳоли бундан норози! Ҳурматли президентимиз, идорама-идора сарсон бўлдик, ёрдам беринг!”
(Бу хабар STга 20 июнь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Олмазор-cитида чироқ тез-тез ўчяпти. Чироқ бўлмаса сув ҳам ўчади”
ОЛМАЗОР. “Тошкент шаҳри Олмазор-cитида 18 қаватли уйлар қурилган. Аммо чироқ тез-тез ўчяпти. Чироқ бўлмаса сув ҳам ўчади. Яқинда қўшнимиз лифт ишламаётгани, чироқ ўчаётгани ҳақида лавҳа олиб, ижтимоий тармоқда тарқатди. Эртаси куни “Миллий” телеканалидан 2 артист келиб, “Биз Олмазор ситида яшаймиз, муаммолар йўқ” деб лавҳа тайёрлаб, телевизордан кўрсатишди. Ёлғон гапиргандан кўра муаммоларни ҳал қилишсин”.
(Бу хабар STга 6 июнь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ – “Масъулиятсизлик сабаб маҳалла ичимлик сувисиз қолмоқда”
БЕКТЕМИР. “Тошкент шаҳри Бектемир туманидан мурожаат қиляпмиз. “Автомобилчи гулзор” БУШга Бектемир гулзор маҳалласи мақоми, “Заргар” ва “Мироб боғбон” БУШга Умид боғбони маҳалласи мақоми берилган. Аммо номларни рўйхатдан ўтказишдаги масъулиятсизлик сабаб аҳоли ичимлик сувисиз қолмоқда, ҳужжатсиз яшамоқда. Айниқса, сув сотиб олишга қурби етмайдиган ногиронлар, эҳтиёжмандлар қийналмоқда...”
(Бу хабар STга 26 апрель куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ – “Ёлғиз она: Уй масаласида президентимиздан ёрдам сўрайман” (ВИДЕО)
“Мен – Наргиза Шарипова, бир фарзандим бор, 14 ёшда. Ёлғиз ўзим тарбиялаяпман. Тошкент шаҳри Сергели тумани ҳокими Элбек Шукуров томонидан Учувчилар шаҳарчаси 76-сонли умумий ётоқхонадан вақтинча хона берилди. Хонам кичкиналиги боис (9 квадрат метр) каттароқ хона сўрадим, йўқ дейишди. Қолаверса, ўғил фарзандим билан бир хонада ётиб туриш ноқулай бўлмоқда. Давлат ишида ишламайман, кунлик ишларга бораман. Президентимиз мен каби ёлғиз оналарни уй-жой билан таъминлаяптилар. Бизга ҳам кўмак берадилар деган умиддамиз”.
(Бу хабар STга 16 апрель куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: "Автобусда оёқ қўйишга жой йўқ. Карантин талабига риоя қилиш имконсиз" (ВИДЕО)
ТОШКЕНТ. “Тошкент шаҳри Чилонзор-20 – Муҳаммад Юсуф йўналишида қатновчи “Исузу” автобусидаги ҳолат. Аёллар ва эркаклар шунчалик тиқилинчда кетяптики, оёқ қўйишга жой йўқ. Карантин талабига риоя қилишнинг умуман имкони йўқ. Пойтахт жамоат транспорти масъулларидан муносабат кутиб қоламиз”.
(Бу хабар STга 6 апрель куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ. “Эски жўва бозори ҳудудида кечаси бир неча юз одам йиғилиб, хўроз уриштириш мусобақаси ўтказяпти"
ТОШКЕНТ. “Тошкентдаги Эски жўва бозори ҳудудида ҳар чоршанба кечаси бир неча юз одам йиғилиб, хўроз уриштириш мусобақаси ўтказяпти. Кириш 20 мингдан. Хўрозларга ҳам пул тикиляпти. Суратга олмаслик мақсадида эшик олдида телефонлар йиғиб олиняпти. Амаллаб иккинчи телефонимни беркитиб олиб кирдим ва шу икки суратни олишга муваффақ бўлдим. Ишонасизми, Тошкент шаҳри бозорлари бошлиғи ҳам бамайлихотир пул тикиб ўтирибди!”
(Бу хабар STга 18 март куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Ўзбошимчалик билан қурилган дўкон ёнғин хавфсизлиги нормаларига зид”
ТОШКЕНТ. “Тошкент шаҳри Учтепа туманидаги “Ўрикзор” бозори тадбиркорлари номидан мурожаат йўллаяпмиз. Карантин даврида 1-блок ўтиш йўлида ўзбошимчалик билан дўкон қуриб сотилди. Ҳолбуки, бу ёнғин машиналари ўтиши кўзда тутилган жой эди. Ушбу масалада шаҳар ёнғин хавфсизлиги идорасига мурожаат қилганмиз ва инспектор бу дўкон бузилиши кераклигини айтган. Энди эса бозор маъмурияти у дўкон қолиб, унинг ёнидаги дўконлар бузилишини айтмоқда. Ёнғин хавфсизлиги йўлагини очиб қўйишларини сўраймиз”.
(Бу хабар STга 4 февраль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Керак бўлса уйингга вертолёт топиб кирасан” дегандек йўлларимизни торайтириб ташлашди”
ШАЙХОНТОҲУР. “Тошкент шаҳри Шайхонтоҳур тумани А.Хўжаев кўчаси 3-уй олдида қурилиш авжида. “Керак бўлса уйингга вертолёт топиб кирасан” дегандек йўлларимизни торайтириб ташлашди. Уйда яшовчиларнинг автомашинасига жой йўқ. Бунинг устига, қурилиш раҳбарлари ҳам шахсий автомашиналарини уйимиз ёнига тиқиштириб қўяди. Фарзандларимизни кўчага чиқаришга қўрқиб уйда ушлаб ўтирибмиз. Халқ вакиллари ҳам мурожаатларимизга жавоб бермаяпти. Аҳолига нисбатан ҳурматсизликни кўриб, ҳайрон бўляпмиз...”
(Бу хабар STга 22 декабрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Ҳар куни шанбалик, йиғилиш! Бундан кўра дарс ўтайлик” - тошкентлик ўқитувчи
УЧТЕПА. “Тошкент шаҳри Учтепа туманида ўқитувчи бўлиб ишлайман. Кунлик йиғилиш ва шанбаликлар вақтимизни олиб қўйяпти. Яна, ҳеч қандай баҳона ўтмайди, деб талаб қилишади. Бундан кўра дарс ўтайлик, мактаб тўлиқ ишласин...”
(Бу хабар STга 5 ноябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Бунёдкор” футбол клуби ходимлари: “Раҳбарият тўрт ойдан бери маошсиз ишлатяпти”
"Директор лавозимида ишлаб келган У. Мирзаев ишдан олиниб, унинг ўрнига номутахасис, футболдан умуман хабари йўқ шахс директор этиб тайинланди. Янги директор клубда ўзгариш қилиш тугул ойликни ҳам тўламаяпти. У. Мирзаев даврида “Бунёдкор” аъзоси Жасур Жалолиддинов Москванинг “Локомотив” клубига 350 минг долларга трансфер қилинган эди. Ушбу маблағ клуб ҳисоб рақамига келиб тушди, лекин бу пулдан иш ҳақи тарқатилмади. Бу пулга Германиядан спорт экипировкаси олиб келмоқчи. Нима, мақсад откат қилишми?
“Бунёдкор” ҳомийси – “Ўзбекнефтегаз”дан маош сўрасак, клуб ҳисоб рақамида 3 ойлик маошга етадиган маблағ борлигини айтишди. Ҳуқуқларимизни поймол қилиб, иш ҳақимизни бермаётган директор ишдан бўшатиш билан ҳам пўписа қилмоқда. Бизга ўз ишини эплай оладиган, касб этикасига риоя қиладиган ва ходимлар ҳуқуқини кафолатлайдиган раҳбар керак эмас. Мутасаддилардан амалий ёрдам сўраймиз”.
(Бу хабар STга 7 ноябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Қимматбаҳо реклама мониторлари ўрнига тадбиркорларни қўллаб-қувватлашса бўларди..”
ОЛМАЗОР. “Тошкент шаҳар Олмазор тумани Нурафшон кўчасида жойлашган барча реклама объектлари Вазирлар Маҳкамасининг 20 февралдаги 104-сонли қарорига асосан жорий йил охиригача қимматбаҳо (ҳар бири 13000-14000$) LED мониторларга ўзгартирилиши керак. Акс ҳолда олиб ташланади. Бунинг ўрнига пандемия пайтида тадбиркорларни қўллаб-қувватлашса бўларди..”
(Бу хабар STга 19 октябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Тураржойлар орасида 7 қаватли бизнес-мажмуа қурилиши шаҳарсозлик талабига зид”
ЧИЛОНЗОР. “Тошкент шаҳрининг Чилонзор тумани Муқимий кўчасидаги 144-уй ҳудуди ноқонуний равишда олиб қўйиляпти. У ерда “Baliq savdo” МЧЖ томонидан 7 қаватли бизнес-марказ қуриш режалаштирилмоқда экан. Тошкент шаҳри бош меъмори имзо қўйган лойиҳа-смета ҳужжатларида қурилиш учун ҳудудда яшовчи аҳоли розилигини олиш кераклиги қайд этилган. Бундан ташқари, тураржойлар орасида ушбу иншоотни қуриш шаҳарсозлик талабига ҳам зиддир. Бизнес-мажмуа қурилгудек бўлса, кўп қаватли уйлар орасида ўт ўчириш ва тез ёрдам машиналари ҳам ҳаракатлана олмайди. Қурилиш сабаб ҳудуддаги дарахтлар ҳам кесилиши мумкин. Ушбу қурилишни тўхтатишларини сўраймиз”.
(Бу хабар STга 28 сентябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Энди шифокорлар клиника дарвозасида қоровуллик қиляпти”
“Тошкент тиббиёт академияси 1-клиникасида шифокорлар ва ҳамширалар камситилмокда. 6 ой карантинда ишсиз, даромадсиз ўтирган ходимлар келган-кетганнинг иссиғини ўлчаш учун қоровулликка қўйилди. Аввало, иссиғи бор ҳам, йўқ ҳам барибир шифокор кўригига киряпти. Қолаверса, шундай назорат ўрнатиш керак экан, алоҳида штат ажратиб ходим олиш керак эмасми? Пандемия даврида қанча тиббиёт ходимлари вафот этди. Хўш, Cоғлиқни сақлаш вазирлиги қачон шифокорларни ҳимоя қилади?”
(Бу хабар STга 22 сентябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ – “Меҳнат кодексига кўра ходимнинг иш вақти қирқ соатдан ортиқ бўлиши мумкин эмас, амалда эса...”
“Тошкент шаҳар солиқ тизимидан ёзмоқдамиз. Собиқ раисимиз Бекзод Анварович даврида тизим ходимларига жуда кўп енгилликлар берилганди. Бироқ янги тизим бошлангандан сўнг 1-босқичда 10%, 2-босқичда 62,5% қисқартириш ишлари бошланди. Масалан, туманимизда 100 нафар ходимни қисқартириш кутилмоқда. Қолаверса, солиқ бошқармаси томонидан меҳнат қонунчилигини бузиш ҳолатлари учрамоқда. Меҳнат кодексига кўра ходим учун иш вақти қирқ соатдан ортиқ бўлиши мумкин эмас. Бироқ бизни соат 18:00 дан кейин ушлаб туришади, шанба ва якшанба кунлари ҳам ишга чақиришади. Ходимларга ажратилган рағбат пуллари ҳам берилмаётгани ажабланарли. Раҳбариятимиз ушбу ҳолатни инобатга олади деган умиддамиз”.
(Бу хабар STга 6 сентябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ – “Қурилганига ҳали 3 ой ҳам бўлмаган кўприк хавфли ҳолатда”
“Тошкентда, эски ТАПОиЧда янги кўприк қуриб топширилганига ҳали уч ой бўлгани йўқ, аммо хавфли ҳолатда. Кўприкни “Ўзбекистон темир йўллари” қурган эди. Бунақа иншоотларни хорижий масалан, Хитой ёки Европа қурилиш фирмаларига бериш ва иш сфатини солиштириб кўриш керак”.
(Бу хабар STга 5 сентябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ – “Бутун бошли шифохонада МРТ аппарати йўқ экан. 23 ёшли укам комадан чиқмай вафот этди”
“Укам иш вақтида ҳалокатга учраб, Учтепа туманида “Жуковский” шифохонаcига оғир бош жароҳати билан олиб борилди. У ерда МРТ ускунаси йўқ экан. Бир кун вақт йўқотдик. Ноилож укамни Тез ёрдам машинасида сунъий ҳаво билан хусусий клиникага олиб бориб, МРТ текширувидан ўтказдик. Операция қилинди, аммо кеч қолган эканмиз. 23 ёшли укам комадан чиқмай вафот этди. Бутун бошли шифохонада МРТ аппарати бўлмаса-я! Соғлиқни сақлаш вазирлиги ушбу ҳолатга эътибор қаратишини сўрайман”.
(Бу хабар STга 30 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ – “Таълим маскани қуришимизга Учтепа тумани ҳокимлиги тўсқинлик қиляпти” (ВИДЕО)
“Истеъдодли келажак ёшлари” ташкилотидан мурожаат йўллаяпмиз. 8 йилдан бери ёш авлодга сифатли таълим бериш билан шуғулланиб келамиз. Бизнинг тарбияланувчиларимиз халқаро олимпиадаларга фахрли ўринларни эгаллаб келмоқда. Президентимизнинг таълим соҳасида инновация жорий этиш лозимлиги ҳақидаги даъватларидан руҳланиб яна бир таълим муассасаси очишга қарор қилдик. Чилонзор 19-мавзедан ер ажратишди. Қўлимизда ҳужжатларимиз бор. Аммо Учтепа тумани ҳокимлиги мутасаддилари бир ярим йилдан бери қурилишга қаршилик қилмоқда. Бу мақсадда бир ярим миллиард сўмдан ошиқ харажат қилдик. Президентимиздан ушбу масалада амалий ёрдам сўраймиз”.
(Бу хабар STга 25 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ – “Қурилишдан норози аҳоли талаби нега инобатга олинмаяпти?” (ВИДЕО)
ШАЙХОНТОҲУР. “Тошкент шаҳри Шайхонтоҳур тумани Сархумдон маҳалласида (“Xotam moyka”) ёнида ноқонуний қурилиш кетмоқда. Бундан аҳоли норози. Қурувчилар бирор ҳужжат ҳам кўрсата олмади. Бу борада прокуратура, ҳокимият, вазирлик, президент порталига мурожаат қилдик, аммо натижа бўлмади. Аҳоли талаби нега инобатга олинмаяпти?”
(Бу хабар STга 13 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|