Хоразм вилояти
ХОРАЗМ – “Йўл нобоплигидан уйимизга меҳмон ҳам чақира олмаймиз” (ВИДЕО)
ШОВОТ. “Хоразм вилояти Шовот тумани Гулистон маҳалласи Мирзо Улуғбек кўчасидан мурожаат қиляпмиз. Ҳудудимизга ичимлик сув қувури келган, аммо ҳали сув улаб берилмади. Йўл лой, ҳатто чиқинди машинаси ҳам ботиб қолди. Ичимлик сувни ҳам лойга ботиб ташиб келяпмиз. Йўл нобоплигидан меҳмон ҳам чақира олмаймиз. Ушбу масалалар ҳал этилса аҳоли ғоят миннатдор бўлар эдик”.
(Бу хабар STга 31 январь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ вил. – “Янги тоннель атрофи чиқиндихонага айланиб боряпти”
ХОРАЗМ. “Хоразм вилояти Урганч тумани деҳқон бозорининг янги тоннель атрофи чиқиндихонага айланиб боряпти. Пандемия пайтида бу вазиятни қандай изоҳлаш мумкин? Ҳолатга атроф-муҳитни муҳофаза қилиш ташкилоти эътибор қаратса, яхши бўларди”
(Бу хабар STга 25 январь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Йўл таъмири учун келтирилган шағал негадир бошқа маҳаллага олиб кетилди” (ВИДЕО)
БОҒОТ. “Хоразм вилояти Боғот тумани Нурафшон шаҳарчаси Нукус маҳалласидан мурожаат қиляпмиз. Кўчамиз йўли таъмирталаб. Айниқса, ёғингарчилик кунлари юриб бўлмайди. Йўлни таъмирлаш учун келтирилган шағални негадир бошқа маҳаллага олиб кетишди. Бизнинг йўлимизни ҳам таъмирлаб беришларини илтимос қиламиз”.
(Бу хабар STга 25 январь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Қор-ёмғир ёғса, ота-оналар ҳалак...” (ВИДЕО)
УРГАНЧ. “Хоразм вилояти Урганч тумани Юқори Боғ қишлоғи Янги ҳаёт кўчасидан мурожаат қиляпмиз. Йўлларимиз аҳволини кўринг: ёзда чанг, қишда лой. Қор-ёмғир ёғса, ота-оналар ҳалак, болаларнинг бу йўлдан боғча, мактабга бориши қийинлашади. Керакли ташкилотларга мурожаат қилдик, келиб кўриб кетишади, аммо ҳали натижа бўлмади. Илтимос, масъуллар йўлимизни келажак авлод учун таъмирлаб беришсин, ҳеч бўлмаса шағал тўкишсин”.
(Бу хабар STга 20 январь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Кўприк носоз, қишлоқнинг ярмида газ бор, ярмида йўқ...” (ВИДЕО)
ХИВА. “Хоразм вилояти Хива тумани Саёт қишлоғидаги кўприк бузилганига 2 йил бўлди. Тузатиб берамиз деб айтишади, лекин тузатишмайди. Баҳорда тузатамиз деб йўлни ёпиб қўйишди, аммо кўприк созланмади. Бу кўприкдан ҳар куни юзлаб болалар мактабга боради, одамлар ҳаракатланади.
Яна бир масала. Қишлоғимизнинг ярмида газ бор, ярмида эса йўқ. Ҳолбуки, газ қувурлари ҳамма жойга ўтган. Газ таъминотини ҳам тўлиқ қилиб беришларини сўраймиз”.
(Бу хабар STга 20 декабрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Қурилиш фирмаси 2021 йил октябрь ойида уй калитини топширишга ваъда берганди...”
БОҒОТ. “Мен – Қ.Рўзметов, Хоразм вилояти Боғот туманида яшайман. 2020 декабрь ойида “Urganch global trade group” МЧЖ қурилиш фирмасига 44 миллион 700 минг пул тўладим. Фирма раҳбари 2021 йил октябрь ойида уй калитини топшираман, деб ваъда берди. Уй Ашхобод маҳалласида қурилиши керак эди. Лекин қурилиш бўлмади. Уй-жой учун бошланғич тўлов тўлаган аксар фуқаролар пулини қайтариб олди. Мен ҳали ҳақимни ололмадим. Ваколатли идоралардан бу борада амалий ёрдам сўрайман”.
(Бу хабар STга 20 декабрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Кредитга иссиқхона қурдик, аммо ҳозир оғир аҳволдамиз...”
ЯНГИАРИҚ. “Мен – Муродбек Маткаримов, Хоразм вилояти Янгиариқ тумани Гулланбоғ маҳалласидаги тадбиркор, “Ёқут пласт сервис” хусусий коронаси раҳбариман. Корхонамиз 2005 йилдан бери фаолият юритиб келади. 2018 йилда ҳамма мулкимизни гаровга қўйиб, 1,28 гектар замонавий иссиқхона қурган эдик. Ҳозирга келиб оғир аҳволда қолдик. Бор мол-мулкимиздан айрилдик, пулимиз қолмади, ҳатто яшаб турган уйимизни сотсак ҳам кредитларини тўлай олмайдиган даражага келиб қолдик.
Иссиқхонага бор меҳрим билан қараб келмоқдаман, лекин кредитни қайтариш иложи бўлмаяпти. Чироқ ўчиши, газ берилмаслиги сабаб экспортбоп маҳсулотни етиштириб бўлмаяпти. Уйимизга суд ва МИБдан иккита хат келади.
Опамнинг дўконини кафил қилиб кредитга қўйгандик. Ҳозирда шу дўкон ҳам банк томонидан сотувга қўйилган. Куёв опамни 4 фарзанди билан кўчага ҳайдаяпти...
Ушбу сатрларни кўзимда ёш билан ёзяпман. Ҳурматли президентимиз тадбиркорларга кўмак ва имкон беряптилар. Бизга ҳам амалий ёрдам берилишини сўрайман”.
(Бу хабар STга 7 ноябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Маош масаласида кластер ва бандлик марказига қатнаб сарсон бўляпмиз”
ШОВОТ. “Хоразм вилояти Шовот туманидан мурожаат қиляпмиз. Туман аҳоли бандлигига кўмаклашиш маркази йўлланмаси орқали Textile Finance Khorezm MCHJ QK билан шартнома тузиб, пахта теримига отряд раҳбари бўлиб ишга кирдик. Уюшмаган аҳолини пахта теримига жалб қилиб тинимсиз далада ишладик, лекин энди маошимиз берилмаяпти. Ўнлаб фуқаролар кластер ва бандлик марказига қатнаб сарсон бўлмоқдамиз. Иш ҳақимиз берилишини сўраймиз”.
(Бу хабар STга 8 ноябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Ёритилмаган кўчамизда кечқурун одам юришга қўрқади...”
УРГАНЧ. “Хоразм вилояти Урганч шаҳри 34-сон маҳалла “Обод маҳалла” дастурига кирган бўлса-да, кўчамиз асфальт қилинмади. Тунги ёритиш чироқлари ҳам ўрнатилмади. Кечқурун одам юришга қўрқади. Мактаб атрофи асфальт қилинди, бошқа йўллар таъмирталаб. Велойўлак ҳам йўқ. Бош режа асосида маҳалла аҳлига ҳисобот берилса бўлади-ку. “Обод маҳалла” дастурига маҳалла ҳар доим ҳам кирмайди. Шундай бўлгач, ишлар тўлиқ қилиниши керак-да. Ушбу дастур бўйича қанча маҳаллалар обод қилинди. Вилоят ҳокимидан ҳолатни назоратга олиши ва бизнинг маҳаллани ҳам обод қилишини сўраймиз”.
(Бу хабар STга 11 октябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Мактаб директори ўқитувчи ва ўқувчиларга ғишт ташиттирди. Ҳолатни ўрганишларини сўраймиз” (ВИДЕО)
ГУРЛАН. “Хоразм вилояти Гурлан тумани “Баркамол авлод” болалар мактаби директори 24 август куни ўқувчилар ва ўқитувчиларни ғишт ташишга мажбур қилди. Орадан вақт ўтиб, бу ҳолатни тегишли мутасаддилар келиб текширди, ҳолат тасдиқланмади. Чунки директор педогог ходимларни “ишдан бўшаттираман” деб қўрқитиб, мажбурий меҳнат бўлмагани ҳақида тушунтириш хати ёздириб олди. Ишчи гуруҳ мажбуран ёздириб олинган тушунтириш хатларига асосланиб ишни ёпди. Ҳолат қайтадан ўрганилиб, тегишли чора кўрилади, деган умиддамиз”.
(Бу хабар STга 3 октябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ: “Ҳолатни меҳнат инспекцияси назоратга олса бўларди”
УРГАНЧ. “Хоразм вилояти Урганч туманидан мурожаат қиляпмиз. Туман ҳокими корхона ва ташкилот ходимларига Урганч–Хива йўлини ободонлаштиришга топшириқ берди. Бу ахир, мажбурий меҳнат-ку!. Қолаверса, ҳудудларни обод қилиш ободонлаштириш бўлими ходимлари вазифаси эмасми? Ҳолатни республика меҳнат инспекцияси назоратга олади, деган умиддамиз”.
(Бу хабар STга 6 сентябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Уйларимизни ободонлаштирдик, лекин асфальтдан дарак йўқ”
УРГАНЧ. “Хоразм вилояти Урганч шаҳридан мурожаат қилмоқдамиз. 34-сон маҳалла “Обод маҳалла” дастурига киритилди, лекин негадир кўчаларимиз обод қилинмади. Яқинда мактаб бошланади, йўлларимиз эса ачинарли аҳволда. Шаҳар ҳокими уйларингни ободонлаштиринглар, кейин кўчаларингни асфальт қилиб бераман, деганди. Уйларимизни ободонлаштирдик, лекин асфальтдан дарак йўқ. Ҳурматли Президентимиз ҳар бир маҳаллага пул ажратмоқдалар. Хўш, нега маҳаллий масъуллар маҳалламиздаги ишни чала қолдирди?”
(Бу хабар STга 25 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ: “Сувсизликдан аҳоли томорқаси ҳам, экин майдонлари ҳам қуримоқда”
ҲАЗОРАСП. “Хоразм вилояти Ҳазорасп тумани Пичоқчи” қишлоғидан мурожаат қиляпмиз. Пичоқчи қишлоғидаги 5 та маҳалла Жувондур, Пичоқчи, Ҳофизариқ каби учта ариқдан сув ичади. Биргина Мунис Хоразмий МФЙда 897 оиланинг 146 гектар томарқаси, 4 фермернинг 445 гектар пахта майдони мавжуд. Бунга қолган икки маҳалла ер майдонларини қўшиб кўринг! Айни пайтда аҳоли томорқаси ва пахта майдонлари сувсизликдан қуримоқда. Сув бўлмаганидан буғдой ҳосилдорлиги жуда паст бўлди. Сув муаммосини сектор бошлиғи, ҳокимга бир неча маротаба айтдик, аммо натижа йўқ. Маҳаллий раҳбарлар юртбошимиз айтаётгандек, халқни рози қилиш учун ҳаракат қилса бўларди”.
(Бу хабар STга 12 июль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ: “ЙПХ ходими панада яшириниб, ҳайдовчиларни жаримага тортяпти" (ВИДЕО)
ГУРЛАН. “Хоразм вилояти Гурлан туманида ЙПХ ходими панада яшириниб, ҳайдовчиларни жаримага тортяпти. Камераси ишламайди. Қолаверса, хизмат машинасида эмас, шахсий автоуловда...”
(Бу хабар STга 10 июнь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ: "Қачон холис бўлар эканмиз?" (ВИДЕО)
БОҒОТ. “Хоразм вилояти Боғот туманидан мурожаат қиляпмиз. 1 июнь куни ташкил этилган бепул концертга одамларни киритишда ҳам таниш-билишчилик қилишди. Қачон холис бўлар эканмиз?”
(Бу хабар STга 1 июн куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ: "Тадбиркорларга 27 млн сўмдан контейнер сотилмоқда. Бу ерда коррупция йўқми?”
ХОРАЗМ.“Хоразм вилояти ҳокимлиги топшириғи билан тадбиркорлар мажбурий равишда Хивадан “Stan trip ok” хусусий корхонаcидан контейнер (савдо шохобчаси) сотиб олмоқда. Баҳоси – 27 млн сўм. Шу контейнерни бошқа уста қурса, 20 млн сўмга битади. Бу ерда коррупция ҳолати йўқми? Прокуратурадан ҳолатни назоратга олишини сўраймиз”
(Бу хабар STга 25 май куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ: “10 килодан тарқатилиши зарур бўлган ун маҳсулотлари аҳолига етмаяпти”
ШОВОТ. “Хоразм вилояти Шовот тумани Бўйрачи қишлоғидан мурожаат қиляпмиз. Аҳолига ҳар ой 10 килодан тарқатилиши зарур бўлган ун маҳсулотлари ўз вақтида тарқатилмаяпти ва етарли миқдорда келмаяпти. Лекин туман ҳокимлиги ахборот хизмати ижтимоий тармоқлар орқали фалон тонна ун маҳсулотлари тарқатилди, деб ёлғон маълумот бермоқда. Бизнинг қишлоқда учта маҳалла бор, учтасига ҳам унни бир тадбиркор олиб келади. Ушбу масалани истеъмолчилар ҳуқуқларини ҳимоя қилиш ташкилотлари ва прокуратура ўз назоратига олиб, текширишини сўраймиз”.
(Бу хабар STга 18 декабрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ: “Четдан юборилган пулни банкдан 3 кун деганда зўрға олдим”
УРГАНЧ. “Хоразм вилояти Урганч шаҳридан ёзяпман. Хориждан юборилган пулларни олишда банкларда навбатлар кузатиляпти. Ўзим Урганчдаги “Orient finans bank” филиалидан четдан юборилган пулни уч кун деганда зўрға олдим. Бу аҳволда вирус тарқалиши ҳеч гап эмас-ку! Хизмат сифатини яхшилаб, карантин қоидаларига амал қилишни таъминлашларини сўраймиз”.
(Бу хабар STга 19 сентябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “ST-таъсир: Аҳоли рўйхат асосида маҳаллий ун билан таъминланди”
ST’да Хоразм вилояти Шовот тумани Ҳуррият қишлоғи Қозоққалъа маҳалласида истиқомат қилувчи фуқарога уч сафардан бери ун берилмаётгани ҳақида мурожаат эълон қилинган эди. Монополияга қарши курашиш қўмитаси Хоразм вилояти ҳудудий бошқармаси бошлиғи У.Қаландаровнинг маълум қилишича, ушбу ҳолат юзасидан ўрганиш ишлари ўтказилди.
“Ҳудудий бошқарма томонидан ушбу мурожаат юзасидан юқорида қайд қилинган маҳалла фуқаролар йиғини мутасадди ходимларига ҳукуматимиз томонидан белгиланган қарор ва топшириқлар юзасидан тарғибот ишлари олиб борилиб, ҳудудий бошқарма аралашуви натижасида маҳалла фуқаролари йиғини ходимлари билан биргаликда рўйхат асосида аҳоли хонадонлари маҳаллий ун маҳсулоти билан таъминланди ва бу ишлар давом эттирилмоқда” дейилада бошқарма жавобида.
(Бу хабар STга 8 сентябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Ичимлик сув қувури тешилганига 2 ой бўлди. Тонналаб сув қумга оқиб кетяпти” (ВИДЕО)
ХИВА: “Космобод посёлкасида сув қувури тешилганига икки ой бўлди. Водоканалга хабар бердик, лекин келиб таъмирлашмаяпти. Ҳокимнинг қабулига ёзилдик, шу масалани айтиш учун. Қабул қилмади. Қувур тешигидан оқаётган сувдан 1 минутда 10 литрлик челак тўлади. Кунига 6 тонна сув қумга кетиб ётибди. Бу ичимлик суви, шунча сув исроф бўляпти. Хоразмда ичимлик сув ўзи муаммо бўлса, бу ерда шунча сув исроф бўляпти”.
(Бу хабар STга 24 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Чанг дастидан кўчага чиқиб бўлмаяпти, дарахтлар ҳам қурияпти”
ҲАЗОРАСП. “Хоразм вилояти Ҳазорасп Зеҳнли маҳалласидан мурожаат қиляпмиз. Йўл чанг-тупроқ бўлиб ётибди. Ёнимизда ғишт заводи бор. Юк машинаси ҳаракати кечаю кундуз тинмайди. Чанг дастидан кўчага чиқиб бўлмаяпти. Чангдан дарахтлар, экинлар ҳам қурияпти...”
(Бу хабар STга 20 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Маҳалланинг идораси йўқ, фуқаролар қаерга боришини билмай сарсон”
ШОВОТ. “Хоразм вилояти Шовот тумани Бўйрачи қишлоғидан мурожаат қиляпмиз. Учта маҳалланинг ҳам идораси йўқ. ҚФЙ биноси эса сотилиб кетди. Фуқаролар йиғини раислари кўчада ишлайди, фуқаролар қаерга боришини билмай сарсон. Маҳалламизда қурилгандан буён қаровсиз ётган маданият марказидан хизмат хонаси ажратиб берилса бўларди”.
(Бу хабар STга 20 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Бозоримизни ноқонуний бузиб, ўзимизни ташландиқ жойга чиқаришди” (ВИДЕО)
ХИВА. “Хоразм вилояти Хива буюм бозори тадбиркорларимиз. Бозоримизни ноқонуний бузиб, ўзимизни ташландиқ жойга олиб келиб ташлашди. Туман ҳокимияти, прокуратура, ИИБ ва солиқ идораси бизни 3 йилдан бери сарсон қиляпти. Амалий ёрдам сўраймиз”.
(Бу хабар STга 18 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ вил. – “Аҳоли қатнайдиган йўл тўсиб қўйилди”
УРГАНЧ. “Хоразм вилояти Урганч тумани Ғойбу ҚФЙдан ёзмоқдамиз. Прокуратурада ишлайдиган бир мансабдор аҳоли қатнайдиган йўлни тўсиб қўйди. Илтимос, кўп сонли аҳоли фойдаланадиган йўлни очиб беришсин”.
(Бу хабар STга 18 июль куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ХОРАЗМ – “Кўприк ва йўл тезроқ таъмирланмаса бўлмайди”
“Хоразм вилоятидаги аксар кўприклар, шунингдек, Шовот–Қўшкўпир йўли ўта аянчли аҳволга келиб қолган. Аҳоли узоқ масофани айланиб келишга мажбур бўлмоқда Туман раҳбарларидан кўприк ва йўлни тезроқ таъмирлаб беришларини сўраймиз”.
(Бу хабар STга 28 июнь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|