Сомали қароқчилари тўрт америкаликни ўлдирди

Ўтган ҳафта Уммон қиғоқлари яқинида сомалилик қароқчилар ўғирлаб кетган яхтадаги тўрт нафар америкалик ўлдирилди.

АҚШ Қўшинлари марказий қўмондонлигига кўра, АҚШ флоти ва қароқчилар ўртасида музокаралар бораётган пайтда яхтада ўқ овозлари эшитилган.

Шундан сўнг ҳарбийлар икки қароқчини ўлдириб яхтага ўтганларида тўрт америкалик жасадини топганлар.

Амалиёт давомида 13 нафар қароқчи қўлга олинган.