Афғонистонда тўққиз киши ҳужум қурбони бўлди

Афғонистоннинг Хўст вилоятида йўл четига ўрнатилган бомба портлагани оқибатида тўққиз киши нобуд бўлди.

Вилоят полицияси бошлиғи ўринбосари Ёқуб Мандозай қурбон бўлганларнинг ҳаммаси тинч аҳоли вакиллари экани улар орасида аёллар ва болалар борлигини айтди.

Ёқуб ҳужум учун “Афғонистон душманлари”ни айблади.

Одатда афғонистонликлар ҳукуматга қарши уруш олиб бораётган жанггари ва хорижий кучларни “Афғонистон душманлари” деб атайди.