Линклар

RSF: O‘zbekiston yana “Internet dushmanlari” ro‘yxatida


Surat muallifi Blaise Alleyne.
Markazi Parijda joylashgan Chegara bilmas muxbirlar tashkiloti 12 mart kuni jahondagi "Internet dushmanlari" ro‘yxatini e‘lon qildi.

Har yili Internet tsenzurasiga qarshi kurash kuni - 12 martda e‘lon qilinadigan bu ro‘yxatdan O‘zbekiston yana joy oldi.

2012 yilgi Internet dushmanlari ro‘yxatiga O‘zbekistondan tashqari Bahreyn¸ Belarus¸ Birma¸ Xitoy¸ Kuba¸ Eron¸ Shimoliy Koreya¸ Saudiy Arabistoni¸ Suriya¸ Turkmaniston va V‘etnam kabi 12 davlat kiritilgan.

2011 yilda Yaqin Sharq va Shimoliy Afrikadagi arab davlatlaridagi xalq isyonining ijtimoiy tarmoqlar orqali muvofiqlashtirilganidan qo‘rqqan bu davlatlar¸ xususan O‘zbekiston¸ Internet ustidan nazoratni¸ faol Internet foydalanuvchilarni ta‘qib qilishni yanada kuchaytirdi¸ deyiladi Chegara bilmas muxbirlar tashkiloti bayonotida.

Tashkilotga ko‘ra¸ o‘tgan bir yil davomida O‘zbekiston hukumati Internetdagi mustaqil va muxolif sahifalarni to‘sishda avvalgi yillardanda faollashgan. Buning oqibatida yil davomida hatto 2011 yilga qadar to‘siqsiz kelgan Regnum va Lenta.ru kabi Rossiya¸ AP, Reuters va AFP kabi ayrim xalqaro axborot agentliklari sahifalari ham to‘sib qo‘yilgan.
XS
SM
MD
LG