Эквадор Жулиан Ассанжга сиёсий бошпана берди

Эквадор ҳукумати WikiLeaks сайти асосчиси Жулиан Ассанжга сиёсий бошпана берди. Бу ҳақда эълон қилган Эквадор Ташқи ишлар вазири Рикардо Патино мазкур қарорга изоҳ сифатида инсон ҳуқуқларига оид бир қатор халқаро келишувларни санаб ўтиб, ўз ҳукумати Британия, Швеция ва АҚШ ҳукуматларидан Ассанж адолатли суд қилиниши ва учинчи давлатга бериб юборилмаслиги тўғрисида кафолат ололмаганини баён қилди.