Грецияда иш ташлаш кунида намойишчилар полиция билан тўқнашди

Грецияда касаба уюшмалари консервативлар ҳукумат тепасига келганидан буёнги энг йирик иш ташлаш норозилик тадбирини амалга оширмоқда. 24 соатлик иш ташлаш ҳукуматнинг 11.5 миллиард еврони тежаш бўйича қўл урган режасига қарши уюштирилди. Айни тадбир доирасида бугун пойтахт Афина ва Грециянинг бошқа йирик шаҳарларида оммавий норозилик намойишлари бўляпти. Афина шаҳрида иккита йирик касаба уюшмаси ташкиллаштирган эллик минг кишилик норозилик тадбири пайти полиция намойишчиларни тарқатиш учун кўздан ёш сиздирувчи газ қўллади.