WhatsApp Пахтакор: "Пахтага чиқмасам, курсдан қолдиринг"

Озодлик блоггерларининг ёзишича, Тошкентда пахта теримига кетаётган ишчиларга, мабодо чет элликлар сўраб қолса, теримга юртига "фидокорона меҳнат қилиш учун" ўз ихтиёри билан чиққанини айтиш тайинланмоқда.


Коллеж ўқувчиларги яна бир тилхат ёздирилмоқда

WhatsApp орқали Озодликка боғланган яна бир муштарий коллежда ўқийдиган укаси директор номига тилхат ёзишга мажбурлангани ҳақида ёзди.

​Исмини сир сақлашимиз шарти билан ёзган муштарийга кўра, ўқувчилардан "умрида пахта теримига чиқмагани", "ака-укаси ҳам чиқмагани" ҳақида тилхат ёзиб бериш талаб қилинмоқда.

Қуйида унинг мактубини ўзгаришсиз чоп этаяпмиз:

"... Yana bu yil paxtaga chiqmasa kursdan qoldirilishga roziligi haqida yana bitta xat yozib berishipti Bugun kollejda o'qiydigan ukam gap topib keldi. Uni aytishicha har bir o'quvchidan umri davomida paxtaga chiqmaganligi, akalari ham paxtaga chiqmaganligi, faqat SSSR davrida o'qigan yaqinlarigina paxtaga chiqqanligi haqida xat yozdirtirib olishipti..."

Озодлик бу муштарийдан тилхат нусхасини кутмоқда, тилхат олиниши билан ушбу саҳифада чоп этилади.


"Пахтага чиқмасам, курсдан қолдиринг"

Бунга қадар Самарқанд вилоятидаги коллежлардан бирида ўқувчилардан пахтага чиқишмаса, курсдан қолдирилишига розилик битилган тилхатга қўл қўйиш талаб қиланаётгани ҳақида мактуб келди.

Озодликнинг электрон почтасига келган мактубда шундай дейилди:

“Шу бугун бизнинг коллежда учинчи курсларни йиғиб директор мажлис ўтказди. Директорнинг айтишича, биз пахта теримига тайёр бўлиб туришимиз керак экан. Кўрпа-тўшак, раскладушка, фартукларни тайёрлаб қўйишимиз керак экан. Ҳокимиятдан “старт” бўлиши билан кетамиз экан. Биз ҳаммамиз "пахтага борамиз"¸ деб тилхат ёзиб бердик”.

Бу тилхат Самарқанд Ижтимоий иқтисодиёт коллеж директори А.А.Носиров номига ёзилган.

Озодлик мухбирининг аниқлашича¸ ўқувчилардан пахта теримига чиқиш ҳақида шу мазмундаги тилхат олиш амалиëти биргина Самарқанд Ижтимоий иқтисодиёт коллежида эмас¸ балки вилоятдаги бошқа коллежларда ҳам кузатилмоқда.


Теримчилар халқаро ташкилотлар сўровига тайёрланмоқда

WhatsApp орқали Озодликка боғланган Шоҳрух пахта теримига жўнатилаётган ишчиларга, мабодо чет элликлар сўраб қолса, теримга юртига "фидокорона меҳнат қилиш учун" ўз ихтиёри билан бораётганини айтиш тайинланаётгани ҳақида ёзди.

Ўтган йили Жиззах вилоятининг Дўстлик туманида пахта терган ва бу йил ҳам шу туманга ётоққа ҳозирланаётган бу йигит йўллаган мактубни қуйида ўзгартиришсиз чоп этаяпмиз:

"...Salom mani ismim Shoxrux. Ozodlik maqolasida xalqaro mehnat tashkiloti o'zbekistonga kelgani va kuzatuv olib borishi haqida o'qigandim. Bizni ham ohirhi 3 yildan beri djizzaxga paxtaga olib borishmoqda. Kimlar borishi va qachon borishi ro'yhatlari tuzilgan. Xalqaro tashkilotlar so'rovnoma olib borishi haqidayam aytib o'tishdi... Hatto ularning savollariga qanday javob berishimiz haqidayam ko'rsatmalar berishdi. Yani biz paxtaga o'z hohishimiz bilan, davlatimizga yordam berish, iqtisodini ko'tarish maqsadida fidokorona hizmat qilishimiz uchun chiqqanligimizni aytishimiz lozim.


Теримчилар "ҳокимларга ишонса, куни макаронга қолади"

"... Sizlarning O'zbekistondagi majburiy mehnat haqidagi fikrlaringiz juda to'gri, bu borada qancha maqolalaringizni o'qigan bo'sam bularning hammasi haqiqat. Yaxshiyamki bizni ishhonamiz rahbarlari tushungan odamlar. Albatta ular yuqoridan kelgan buyruqqa qarshi chiqib bizni paxtadan olib qolisholmaydi. Lekin oziq-ovqat ta'minoti juda yaxshi, har bir paxtada bo'gan kunimiz uchun moddiy tomondan rag'batlantirishadi...

...Aslida bu ishlarni hokimliklar yoki fermer ho'jaliklari bajarishi lozim. Agar ularga ishonadigan bo'sek kunimiz faqat makaronga qogan bo'lardi. Hatto ichimlik suvi b-n ham tayinli yetkazib berisholmaydi Har bir hodim 15 kundan Djizzaxga borib keladi Galma-galdan Hozir aniq kuni ma'lummas. Manimcha keyingi haftadan chiqishadi. Dastlab 15 kunga bitta partiya ketadi, keyin 2, so'ng 3-partiya har biri 15 kundan chiqishadi, bazan 20 kungachayam cho'ziladi..."


"Кўпчилик пахтага ўз ҳоҳиши билан чиқади"

"... Rosti bizda ko'pchilik paxtaga o'z hohishi bilan chiqadi, shunchaki paxtaga chiqiw yoqqani uchunmas, rahbariyatni hurmat qilganidan, ularga gap tegmasligi uchun. Iwonasmi yo'qmi, bizga paxtaga chiqish talabi qoyilgani bilan rahbariyat iltimos qilib, yaxshi gap b-n ko'ndirishadi. Shaxsan man ularga bo'lgan hurmatim uchun chiqaman.
Bu yerda majburlash hokimliklarda ekanini aytmoqchiman..."


"Пахта сезонида медсправка олиш қийин"

"... Ammo paxtaga chimasligim uchun med. Spravka qisam, ruhsat berishadi Ammo paxta sezonida spravka olish ham juda qiyin Majburiy mehnat kuchli bosim asosan o'qituvchilarda, mediklarda va davlatdan nafaqa oladiganlarda Mana ularga bosim o'tkaziwmoqda. Agar bormasa pensiyasidan mahrum qilamiz dip qo'rqitishadi
Agarda o'zimizni ishhona haqida aytadigan bo'sam. Paxtaga chiqmaslik uchun spravka kere...

... Bizda salkam 400 odam ishlidi. Bir nechta bo'lim, sexlardan iborat. Bowqa bo'limlarda haqqatdan chiqmiman disa, o'rniga odam topish lozimligini aytiwmoqda
Haqqatdan ochiqdan ochiq, man pahtaga chiqmiman disa, ishdan haydalishi tayin, shunchunam texnichna hammasini hal qilishni maslahat qilishmoqda. Siz ham kuymasin, kabob ham..."


"Ҳокимларга фарқи, ёшми-қари қизиқтирмайди"

"... Shaxsan o'zimizni sexda ... ta odam ishlidi, kollektiv ahil. hatto kotta yoshli ayollar uchun ham 2martalab pahtaga chiqamiz. Hokimliklarga farqi yo'q nechta odam ishlasa demak hammasi chiqishi kere, qarimi yoshmi qiziqtirmidi. Yana bir holat. bizni tashkilot vazirlar mahkamasidan paxtaga odam chiqarish bo'yicha topshiriq ogan. Va BKMga ham bizni tashkilot shu topshiriq bo'yicha odam so'ragan. A BKM Shayhontohur tumanida joylashgani uchun, Shayhontohur tuman hokimligidanam topshiriq ogan. Vaziyat shunaqa ahmoqona...

... Bitta ishhona 2 ta tomonga paxtaga odam berishi kere. Hatto o'tgan yili Djizzax hokimligi bilan 5 yilga paxta terib berish bo'yicha shartnomayam tuzishgan Endi biz yoshmiz. Yigitlar bilan zerikmimiz. Shaxsan o'zim qishloqda tug'ilganim uchun 10 yoshimdan paxta terib o'rganib qoganman. Paxta man uchun muammomas. Lekin shaharlik ayollar juda qiynalishadi, shunda ko'maklashib turamiz. Mayli hozircha shular. Paxtaga chiqqan paytimda, aloqaga chiqarman. 1-2 haftadan keyin borsam kere....

... Faqat sizdan iltimos, mani ismimni yozsangiz ham, ishhonamiz nomini ovoza qilmang...

Shoxrux"


“WhatsApp Пахтакор” блогига Сиз ҳам ёзинг!

Ўқиганингиз, Озодлик муштарийси “WhatsApp Пахтакор” блогига йўллаган мактуб. Ушбу блогда тилга олинган маълумотлар учун Озодлик таҳририяти масъул эмас!

Аммо, бундай мактубларни чоп этиш ва сиз муштарийни ҳам бунга чақиришдан мақсад блоггерлардан келган маълумотларга имкон қадар аниқлик киритиб, асл вазиятни ўрганишдир!

Марҳамат, мактуб ёзинг, Ўзбекистон пахтазорларидаги воқеъликни аниқ, холис ва ўз вақтида ёритишда Озодлик билан ҳамкорлик қилинг!


Манзилларимиз:

WhatsApp + 420 608 549 460
E-mail: ozodlikmail@gmail.com, isakovab@rferl.org
Skype: Ozodskype, issakovab
Twitter:@BarnoAnvar
Mоб: +420 602 612 713 (SMS ва қўнғироқлар)
Факс: +420 2 2112 6604