Янги ўқув йили бошланиши муносабати билан OzodNazarга бугун Гулистондаги олий ўқув юрти ўқитувчиси Бобур домлани таклиф қилдик. Ва домладан бир талай янгиликлар эшитдик. Улардан бири будир: домла ишлаётган олийгоҳда Тарих факультети Иқтисодиёт факультетига қўшилган. Тарихчи иқтисодиётчи ёки Иқтисодиётчи тарихчи қандай бўлишини билгингиз келса, Бобур домланинг OzodNazarини тингланг.
Ишлаётгани олийгоҳнинг номи ва исм-фамилияси аталмаслигини истаган бўлса-да Бобур домланинг OzodNazar саволларига жавоблари самимий бўлдики, буни суҳбатни тинглаётиб сезасиз.
Янги ўқув йили билан боғлиқ гаплардан ташқари Бобур домла билан Тошкентда осилган исломий байроқ ҳамда Гулистонда бир вақтнинг ўзида судья, прокурор ва адвокатнинг ҳибсга олиниши тўғрисида гаплашдик.
Бобур домланинг OzodNazarини тингланг:
OzodNazar эшиттириши меҳмонлари билдирган фикрлар уларнинг фикрларидир, Озодлик радиоси позицияси муҳокама қилинаётган масалаларда меҳмонлар позициясига мос келмаслиги мумкин.
