Dunyouzbeklari.com сайти муассиси ва муҳаррири, бир неча йилдан бери сиёсий муҳожиратда яшаётган ўзбекистонлик журналист Исмат Хушевнинг фикрича, 2015 йилнинг баҳорида Ўзбекистон президенти сайлови ўтказилмайди, 21 декабрь куни сайланган янги парламент Ислом Каримовни умрбод президент, деб эълон қилади.
Озодлик радиосининг Прагадаги студиясида меҳмон бўлган Исмат Хушев билан суҳбатда, бўлиб ўтган парламент сайлови ва ўтказилиши кутилаётган президент сайловидан ташқари, журналист ва журналистиканинг масъулияти тўғрисида ҳам сўз бўлди.
Сўнгги мавзу айнан Исмат Хушевнинг OzodNazarида тилга олиниши у кишининг журналист эканлиги билангина боғлиқ эмас: uznews.net сайтининг куни кеча ўз фаолиятини тўхтатиши ортидаги омилларнинг бир учи Исмат Хушев бошқарувидаги сайтга ҳам бориб етиши тўғрисида можародан хабардорлар аллақачоноқ фикр билдирган...
