Тошкентдан олинган хабарларга кўра, зилзила пайти унинг кучлилигидан қўрққан одамлар уйларини ташлаб кўчага югуриб чиқишган. Ҳатто идора ва ташкилотларда ҳам ишчиларнинг кўчага чиққани кузатилган.
Эпимаркази Афғонистонда бўлган зилзила Ўзбекистондан ташқари қўшни Тожикистонда ҳам сезилди. Расмий маълумотга кўра, Тожикистонда зилзила 6 баллни ташкил қилган. Қуйида Душанбе шаҳри аҳолиси билан зилзила ҳақидаги суҳбатларни тинглайсиз:
26 октябрь куни Афғонистон, Покистон, Ҳиндистонда 7,5 балл, Тожикистонда 6 балл, Ўзбекистонда 5,5 балл кучланишдаги зилзила содир бўлди. Қуйида зилзила содир бўлган ҳудудлар харитаси.
Зилзиладан сўнг Озодликка келган хабарлардан бири:
"Ҳозир бизда ер қимирлади, сезилар сезилмас 14:14 да, 40- 50 сониями қимирлаб тураверди. Шуям менда ваҳима уйғотди. Агар чет элда бўлаётган ер силкиниши (Аллоҳни ўзи асрасин) бизда бўлса нақд юрагим ёриларкан".