O‘zA axborot agentligiga ko‘ra, Sog‘liqni saqlash vazirligi o‘tkazayotgan Sog‘lom bola haftaligidan maqsad bolalarni sog‘lomlashtirish, mikronutrient yetishmovchiligi tufayli kelib chiqadigan hamda parazitologik kasalliklarning oldini olishdan iborat.
Aytilishicha O‘zbekistonda “o‘n uch yildan buyon A vitamini saplementatsiyasi dasturi amalga oshirilmoqda. Har yili 6 oylikdan 5 yoshgacha bo‘lgan bolalarga umumiy amaliyot shifokori, patronaj hamshira hamda maktabgacha ta’lim muassasalarida faoliyat yuritayotgan tibbiyot xodimlari nazorati ostida A vitamini ichirilmoqda. Haftalik tadbirlariga hududlardagi barcha bolalar qamrab olinadi”.