Fransiyada Yevro-2016 futbol o‘yinlari boshlanishi oldidan poytaxt Parij va boshqa shaharlarda xavfsizlik choralari misli ko‘rilmagan darajada kuchaytirildi.
Parij shahri hokimining muovini Jan-Fransua Martens shaharda politsiyachilar soni ko‘paytirilganini bildirdi.
Bugun Parijning Sen-Deni mavzesidagi Stad-de-Frans o‘yingohida Yevro-2016 o‘yinlarining ochilishi bo‘ladi.
Ayni stadionda bugun mezbon jamoa Fransiya Ruminiya jamoasi bilan bellashadi.
Musoboqalar bir oy davomida Fransiyaning o‘nta shahrida o‘tkaziladi.