Туркияда 15 июль оқшомида бошланиб, 16 июль тонгида муваффақиятсизлик билан якун топгани эълон қилинган ҳарбий тўнтаришга уриниш беҳисоб саволларни пайдо қилдики, уларнинг энг асосийларига Озодликнинг Қурултой эшиттириши жавоб излади.
16 июль кечки эшиттиришларимиз доирасида ўтказилган давра суҳбатида Туркиядан журналист Камолиддин Йўлдош, Ўзбекистондан сиёсатшунос Анвар Назиров, Норвегиядан тадқиқотчи Отабек Тошев ва АҚШдан журналист ва публицист Жаҳонгир Муҳаммадлар иштирок этди.
