"Пахтакор" футбол клубига ўтган ой вице-президент этиб тайинланган Бобур Шодиев мазкур клубнинг президенти бўлди.
Шодиев "Пахтакор"га келишидан аввал Ўзбекистон дзюдо федерацияси вице-президенти бўлган.
Клуб расмий сайтида маълум қилишича, “Пахтакор” президенти лавозимини эгаллаб келган Тошкент ҳокими Раҳмонбек Усмонов унинг фахрий президенти лавозимига ўтган.
Жамоага вице-президент этиб Ўзбекистон Миллий Олимпия қўмитаси вице-президенти лавозимида ишлаган Умид Аҳмаджонов тайинланган.
Аввалроқ жамоа акцияларини россиялик тадбиркор Алишер Усмонов сотиб олгани ва айнан у клуб директори лавозимига Умид Аҳмаджоновни тайинлагани ҳақида хабарлар тарқалганди.
