O‘shdagi Bobur nomidagi O‘zbek akademik teatri Britaniya poytaxti Londonga qilingan gastrollarini yakunlab, O‘shda 99-teatr mavsumini ochdi. 2018 yilda teatr o‘zining yuz yilligini nishonlashga qizg‘in tayyorgarlik ko‘rmoqda.
Bobur teatrining direktori Nabijon Mamajonov bilan mana shu mavzularda suhbatlashdik.
O‘shda 1918 yilda bir guruh havaskorlar tomonidan tashkil qilinib, keyinroq professional teatr maqomiga ega bo‘lgan Bobur nomidagi o‘zbek akademik teatri so‘nggi 25 yilda O‘zbekiston va Qirg‘iziston aloqalarining sovushi ortidan O‘zbekiston madaniyat va sana’t maydonidan uzilib qolgan edi.
Teatrning Toshkent bilan aloqalari shu yilning yanvaridan qayta tiklana boshlangan edi.
16 yanvar kuni O‘sh teatriga tashrfi qilgan O‘zbekiston bosh vaziri o‘rinbosari Adham Ikromov Toshkent teatrga 50 ming dollar ajratishga qaror qilganini bildirgan va bu va’da bajarilgan edi.
