Россиялик актер Леонид Броневой Москвада 88 ёшида оламдан ўтди.
Броневой Украинанинг Киев шаҳрида туғилган. Иккинчи жаҳон уруши даврида Ўзбекистонга олиб келинган.
Тошкентдаги мактабда ўқиган кезлариёқ у ўзбек тилини мукаммал ўрганган.
Тошкентдаги Театр ва рассомлик институтини тугатгач у Магнитогорск, Оренбург, Грозний, Иркутск, Воронеждаги театрларда фаолият қилди.
Броневой ўзбек томошабинига "Баҳорнинг ўн етти лаҳзаси" кўп серияли филмидаги Мюллер роли билан таниш.