Қозоғистонда спортчи Денис Тенни ўлдирганликда гумон қилинаётганлардан бири 20 июлда қўлга олинди. Олмаота шаҳар прокурори Берик Жуйриктаев жиноятни содир этганликда гумон қилинаётган , 1994 йилда туғилган Нурали Қиясов адвокат иштирокида берган кўрсатмасида жиноятни содир этганига иқрор бўлганини билдирди. Қиясов вақтинча сақлаш изоляторига киритилган. Иккинчи жиноятчини қидириш ишлари давом эттирилаётгани айтилди.
19 июль куни Фигурали учиш бўйича беш марта Қозоғистон чемпиони Денис Тен Олмаотада номаълум шахслар томонидан пичоқлаб ўлдирилди.
Қозоғистон Соғлиқни сақлаш вазирлигининг Озодликка билдиришича¸ икки номаълум шахс томонидан пичоқланган Тен уч литр қон йўқотиш оқибатида касалхонада вафот этган.
Спортчи машинасининг ëн ойнасини ўғирлашган урингани айтилаëтган жиноятчилар қочишга муваффақ бўлган¸ ҳозирча ҳужум мотивларига оид аниқ маълумот йўқ.
Қозоғистон Маданият ва спорт вазирлиги Денис Теннинг ўлимини «улкан фожиа» деб атади ва унинг бирор мантиққа тўғри келмаслиги айтди.
Денис Тен Сочида ўтказилган қишки Олимпиадада бронза медалини қўлга киритган. У Қозоғистондаги муз устида ўткаизлган шоу дастурга ҳам продюсерлик қилган.
