Ўзбекистонлик фаоллар Парижда рухсат берилган намойишга йиғилди.
Намойишчилар Ўзбекистонда инсон ҳуқуқлари аҳволини яхшилаш, диний эътиқоди ва сиёсий қараши учун қамалган маҳбусларни озод қилиш ва том маънодаги демократик ислоҳотларни ўтказиш талаби билан йиғилди.
Марказий Осиёда инсон ҳуқуқлари ассоциацияси томонидан уюштирилган намойишга Франция, Буюк Британия, Швеция ва Норвегия каби мамлакатларда яшаётган 10дан ортиқ фаол борди.
Намойиш Париж вақти билан соат 14:00дан 16:00га қадар белгиланган.
Ўзбекистон президенти Шавкат Мирзиёев ва Франция президенти Эммануэл Макрон Елисей саройида учрашди.
Матбуот хизматининг хабар қилишича, музокарада Ўзбекистон ва Франция ўртасидаги сиёсий мулоқотни янада мустаҳкамлаш, савдо-иқтисодий ва инвестициявий ҳамкорликни ривожлантириш, маданий-гуманитар алмашувларни фаоллаштириш масалалари муҳокама қилиниши айтилган.
Елисей саройида Ўзбекистон ва Франция президентлари учрашуви бўлиб ўтди.
Президент матбуот хизматининг хабар қилишича, икки раҳбар давлатларининг халқаро ва минтақавий муаммоларни ҳал этишга доир ёндашувлари яқин ёки мос экани таъкидлаган.
"Ўзбекистоннинг минтақавий барқарорлик ва хавфсизликни мустаҳкамлаш, Марказий Осиёнинг тинч ва изчил тараққиётини таъминлаш мақсадида ўзаро манфаатли ҳамкорлик ва яхши қўшничилик муносабатларини ривожлантиришда муҳим роль ўйнаётгани алоҳида таъкидланди", дейилади хабарда.
Хабарга кўра, икки давлат вакиллари ўртасида ўтган икки кунлик учрашувлар якунида Франция тараққиёт агентлиги билан умумий қиймати 600 миллион еврога яқин инфратузилма лойиҳаларини амалга ошириш бўйича ҳамкорлик дастури имзоланган.
Франциядаги қатор йирик ширкатлар - «Эйрбас», «Тоталь», «Тоталь Эрен», «Винчи», «Орано», «Веолия», «Фивс Штейн», «Буиг», «Ранжис» ва бошқа кўплаб компаниялари билан ҳамкорликда лойиҳалар амалга оширишга келишилган.
Шунингдек, Ўзбекистонда Страсбург университети ва Пантеон Сорбонна университети Париж академияси филиалларини очиш, 2021 йилда Лувр музейида Ўзбекистон тарихига бағишланган кўргазма ўтказиш хусусида келишувга эришилган.
Музокаралар якунида ҳужжатлар ўзаро алмашилди.
Президентнинг Парижга расмий ташрифи иккинчи куни: