Россия томонидан аннексия қилинган Қрим яриморолининг Керчь шаҳри аҳолиси политехника коллежида юз берган отишма ва портлаш қурбонлари билан видолашмоқда. 17 октябрь куни амалга оширилган ҳужум қурбонлари сони 21 га етди.
Шаҳарнинг марказий майдони хавфсизлик чоралари кучайтирилган.
Майдонга қурбонлар хотирасига гул қўйиш учун уларнинг дўстлари, қариндошлари, ҳамкасблари, расмийлар ҳамда минглаб шаҳар аҳли келди.
Кремль назоратидаги Қрим раҳбари Сергей Аксенов:
- Қримнинг замонавий тарихи энди икки бўлинади, 17 октябрдан олдинги ва кейинги ҳаёт, - деди.
Аксенов марказга олиб келинган 17 тобутга гул қўйди ва қурбонларнинг қариндошлари билан суҳбатлашди. Бунинг ортидан ҳалок бўлганлар исми бир-бирдан ўқилди ва дафн мессаси бошланди.
Аввалроқ расмийлар қурбонларнинг аксари Керчь шаҳрида дафн қилинишини, қолганлари эса ўз ватанларида, хусусан, тўрт нафар қурбон Краснодар ўлкасида, биттаси эса Челябинск вилоятида кўмилишини билдирган эди.
Ҳалок бўлганларнинг бири мусулмон бўлган ва у ислом урф-одатларига биноан 18 октябрь куни дафн этилган.
