Россиялик таниқли актёр Владимир Этуш 97 ёшида оламдан ўтди.
Яқинларининг айтишича, Этуш жума куни оғир аҳволда касалхонага ётқизилган, бир кун ўтиб 9 март куни вафот этган.
Владимир Этуш ўзбек томошабинига Леонид Гайдайнинг "Кавказ асираси" филмидаги Саахов ва "Иван Василевич касбини ўзгартиради" филмидаги Антон Шпаг роллари билан таниш.
Этуш дунёдаги энг кекса актёр сифатида Гиннеснинг рекордлар китобига ҳам кирган эди.
Актёр Москвадаги "Новодевичие" қабристонига дафн этилиши маълум қилинди.
Видолашув маросими "Вахтангов" номли театрида бўлади.
