Линклар

Шошилинч хабар
09 август 2022, Тошкент вақти: 21:22

Уруш бошланди: Путин Украинада махсус ҳарбий амалиёт эълон қилди (ВИДЕО)

  • 24 февраль тонгда Россия армияси Украинага ҳужум бошлади.
  • Ҳужум, Владимир Путин Донбасда махсус амалиёт ўтказилишини эълон қилиши биланоқ амалга оширилди.
  • Путин, Донецк ва Луганк ҳудудидаги украин ҳарбийларини қуролни топширишга чақирди.
  • Россия қўшинлари, бу икки айирмачи республика раҳбарларининг "сўрови билан" киритилди.
  • 21 февраль куни Россия, Украина шарқидаги икки айирмачи республикани мустақил, деб тан олган.
  • Украинада фавқулодда ҳолат жорий этилди, мамлакат бўйлаб кенг кўламли хакерлик ҳужуми кузатилмоқда.
  • НАТО Бош котиби Йенс Столтенберг, бу ҳужумни "халқаро ҳуқуқнинг қўпол равишда бузилиши" деб қоралади.
  • Ўзбекистон Ташқи ишлар вазирлиги Украинада 4300 га яқин фуқаро борлиги, ёрдам кўрсатилаётганини билдирди.

Путин Украинага уруш очди. Киев Москва билан алоқаларни узди

Одессада ракета ҳужумига учраган ҳарбий омбор

Украина ҳарбий транспорт самолёти қулади

Киев вилоятида Украинага қарашли ҳарбий транспорт самолёти қулаб тушди. Самолёт Жуково ва Триполте қишлоқлари оралиғидаги ҳудудга қулаган. Расмийлар самолёт бортида 14 киши бўлганини, улардан беш нафари ҳалок бўлганини билдирди.

Украина Мудофааси: Россия Украинага қарши урушга янги аскарларни ҳам жўнатмоқда

Украина ҳарбийлари, Россиянинг амалиёти пайтида чегарага муддатли ҳарбий хизматдаги аскарлар ташланган, деб маълум қилди.

Бу маълумотни Аскар оналари қўмитаси ҳам тасдиқлади. Қўмита бошқаруви раиси Ольга Ларкинога кўра, унга бир неча кундан бери оналар қўнғироқ қилишиб, ўғиллари Украина билан чегарага жўнатилганини айтишмоқда.

Ёш аскарлар шартнома имзолашга мажбур қилинмоқда, бош тортганларнинг ҳарбий гувоҳномаси олиб қўйиляпти ёки имзолари сохталаштириляпти. Оналар ҳатто 2021 йил декабрда хизматга чақирилган, яъни ҳали ҳарбий тайёргарликдан ўтиб улгурмаган аскарлар ҳам Украина билан чегарага жўнатилганини билдиришган.

Аскар оналари қўмитаси маълумотига кўра, Белгород вилоятига 34670 (752-мотоўқчилар полки), 306616 (ўқув ҳарбий қисми) ва 54046 сонли ҳарбий қисмлардан (3-мотоўқчилар дивизияси) ҳамда Наро-Фомин ҳарбий қисми (танкчилар гвардия полки) ва Таман дивизиясидан аскарлар йўлланган.

Давомини ўқинг

XS
SM
MD
LG