АҚШ президенти Жо Байден ташқи ишлар вазири Дмитрий Кулеба ва Украина мудофаа вазири Алексей Резников билан учрашди.
Учрашув Полшада бўлди. Бугун эрта тонгда Дмитрий Кулеба ва Алексей Резников АҚШ Давлат котиби Энтони Блинкен ва АҚШ Мудофаа вазири Ллойд Остин билан ҳам музокаралар ўтказишди.
Бу учрашувдан сўнг Кулеба Твиттерда: “2+2 формати Украинанинг Россия агрессиясига қарши туриш қобилиятини кучайтириш учун ҳам сиёсий, ҳам мудофаа соҳасида амалий ечимларни излаш имконини беради”, - деб ёзди.
Музокаралар натижалари ҳозирча эълон қилинмаган.
АҚШ президенти бугун Украинадаги уруш ҳақида “катта нутқ” қилиши кутилмоқда. Current Time телеканали Тошкент вақти билан соат 20: 00да бошланадиган Байденнинг нутқини жонли эфирда намойиш этади.