Энергетик инқироздан норозилик ортмоқда
Президентнинг бу йил, шу кунда мамлакатда авжига чиққан энергетик инқироз ва жамоатчиликнинг кескин танқиди фонида парламент ва Ўзбекистон халқига мурожаат қилади.
Шу кунда, ижтимоий тармоқларда фаоллар ва оддий ўзбекистонликларнинг бу йил янада кескинлашган свет-газ муаммосидан норозилиги кескин ортиб бормоқда.
Бу норозиликни бостириш учун, ҳукумат расмийлари кетма-кет баёнотлар берди, ҳатто йиллар давомида расмий мурожаатларига жавоб бермаган Энергетика вазирлиги раҳбарининг Озодликка эксклюзив маълумот берди.
Расмий баёнотлару имомлар ваъз-насиҳатлари аҳолини тинчлантириш ўрнига, айрим ҳудудларда янги баҳсларни уйғотаётгани кузатилмоқда.
Президент мурожаати унинг барча ижтимоий тармоқдаги саҳифаларида жонли намойиш қилинмоқда:
Бундан ташқари, мамлакатдаги барча телеканал ва Интернет манбалари, шу жумладан “Ўзбекистон 24”, “O'zbekiston”, “Sevimli”, “Zo'r TV” телеканалларида кўриш мумкин.
Шавкат Мирзиёев чиқишини маҳаллий ҳокимият идоралари, хусусан ҳокимлар ишини танқид қилишдан бошлади.
Кўпроқ Самарқанд ва Наманган вилоятлари ҳақида, бу вилоятларни ривожлантириш ва туризмни ривожлантириш ҳақида гапирди.
Ҳар икки шаҳарни ривожлантириш учун Бош вазир шахсан бош бўлишини айтди. Коруппцияни қисқартириш ҳақида гапирди.
"Нажот таълимда, нажот тарбияда, нажот билимда"
Шавкат Мирзиёев таълим, мактабларда таълим сифати ва ўқитувчи нуфузини ошириш ҳақида гапирди. Залда ўтирганларга қараб: "Шу пайтгача муаллимнинг обрўси қанақа эди?" деб сўради.
Бунга қадар, қизи Саида Мирзиёева шу ҳақда ҳаяжонли чиқиш қилган эди.