Парламентга мурожаат. Энергетик инқироз, монополга пул ва референдум

Президент Шавкат Мирзиёевнинг парламентга мурожаати Тошкент вақти билан соат 11:00 да бошланди.

Анъанавий йиллик мурожаат мамлакатдаги барча телевидение ва радиоканалларида, расмий Интернет саҳифалари орқали жонли намойиш этилиши маълум қилинди.

Бу мурожаатида президент, одатан якунланаётган йил сарҳисоби ҳамда келгуси йилги режа ва ташаббусларини эълон қилади, хусусан келаётган янги йилга ном беради.

Аммо, аввалгилардан фарқли - бу йил авжига чиққан энергетик инқироз ва Конституцияга ўзгартириш киритадиган референдум ҳақида гапириши кутилмоқда.

Янгиланган Конституция қабул қилинса, расмийларга кўра, амалдаги президентнинг икки муддати “ноллаштирилиб”, учинчи муддатга номзодини қўйиши учун йўл очилади.

Маҳаллий матбуот, Мирзиёев декабрнинг охирги кунларида парламентга мурожаат қилиши, бу йил иккинчи бор эртароқ мурожаат қилаётганига алоҳида урғу бермоқда.

Бунга қадар президент - 2017 йил 22 декабрида, қолган йилларда эса 28-29 декабрь кунлари Олий Мажлисга мурожаат қилган.