95 ёшида оламдан ўтган Нелсон Мандела узоқ курашиб ўз халқига рўшнолик келтирган улуғ сиëсий арбоб сифатида қадрланади. Мандела Жанубий Африкадаги оқ танли аҳолига устунлик берган апартеид тузумини йиқитди ва турли ирқ ва элатлар уйғун яшайдиган демократик давлат қуришга муваффақ бўлди. Озодлик учун курашгани боис 1964 йилнинг 12 июнида Нелсон Мандела етти нафар сафдоши билан биргаликда умрбод қамоқ жазосига ҳукм қилинди. У роппа-роса 27 йил қамоқларда ўтирди ва қамоқдан туриб, Жанубий Африкадаги қора танли аҳолининг ирқий камситилиш ва тенгсизликка қарши уюшган ҳаракатига раҳбарлик қила олди. 27 йиллик умрини қамоқда ўтказган Мандела озодликка чиққач, ўз миллатининг сиëсий иродаси туфайли мамлакатнинг илк қора танли президенти этиб сайланди. Оқ ва қора танлилар ўртасидаги зиддиятли нуқталарни юмшатиш¸ камситиш ва хўрликларга барҳам бериш мақсадида Мандела аста-секин¸ зўравонлик ишлатмасдан мужодала олиб борди.
Нелсон Мандела ҳаëти суратларда
9
Нелсон Мандела 1994 йил апрел ойида Жанубий Африкадаги илк кўпирқли сайловда овоз бермоқда.
10
Нелсон Мандела 1994 йил май ойида Преторияда президент сифатида қасамëд келтирмоқда.
11
Нелсон Мандела 1996 йилда Британияга биринчи марта амалга оширган ташрифида қиролича Елизавета II билан.
12
АҚШ президенти Билл Клинтон (ўнгда) ва Нелсон Мандела 1998 йил март ойида умрининг 17 йилини ўтказган Роббен оролидаги қамоқхонада.