Ўзбекистон президентининг 2009 йил бошида чиқарган “Маҳаллий ноозиқ-овқат истеъмол товарлари ишлаб чиқариш кенгайтирилишини рағбатлантириш борасидаги қўшимча чора-тадбирлар тўғрисида”ги қарорининг 2018 йил 1 январидан ўз кучини йўқотиши чарм ишлаб чиқариш корхоналарни касод бўлиш ёқасига олиб келиб қўйган. Наманган вилоятига сафар қилган Kun.uz мухбири бу ҳолатга ўзи гувоҳ бўлган.
Унинг ёзишича, Наманган вилоятида 2017 йил якунлари бўйича “чарм маҳсулотлари билан ишлаш йўналишидаги 79та корхона фаолият кўрсатаётган бўлиб, улар 11,4 млн. долларлик маҳсулот экспорт қилган бўлса, жорий йилнинг январь-февраль ойларида вилоятда ишлаб чиқарилган 638,8 минг долларлик чарм-пойабзали ва тери маҳсулотлари жаҳон бозорларида сотилишига, эришилган”.
Бундан ютуққа Ўзбекистон президентининг 1050-сонли қарорида белгиланган солиқ ва божхона имтиёзлари ҳамда преференциялар туфайли эришилган. Бироқ мазкур қарорнинг 2018 йил 1 январидан ўз кучини йўқотгани чарм ишлаб чиқарувчилар фаолиятига салбий таъсир кўрсатган.
Намангандаги аёллар сумкалари ишлаб чиқаришга мўлжалланган “ROSEdilcharm”, эркаклар оёқ кийимини ишлаб чиқаришга ихтисослашган “Грандчармпойабзал”, “Amir” ҳамда “Пантерра”, болалар ва аёлларга мўжжалланган 250 турдаги сумка ишлаб чиқараётган "МБ Чарос”, шунингдек, “Робия саноат сервис” корхоналарида бўлган мухбир имтиёздан маҳрум бўлган бу корхоналар дуч келган муаммолар ҳақида сўз юритади:
Онлайн нашр вакиллари мазкур муаммо юзасидан ҳукуматнинг масъул вакили ҳамда “Ўзбекчармпойабзали” уюшмаси билан боғланганида улар бу муаммодан хабардор эканларини, албатта бу борада тадбиркорларга имтиёз ва имкониятлар берилишини ва тез кунда бу бўйича тегишли ҳужжатлар имзоланишини таъкидлашган. Бироқ масала қачон ечим топиши ҳақида улар аниқ жавоб беролмаганлар.
“Ўйлаймизки, минглаб ишчиларни ишсиз қолдириши мумкин бўлган мазкур муаммо ҳукумат раҳбарлари томонидан эътиборсиз қолдирилмайди”, дея якунлайди ўз мақоласини Kun.uz мухбири.
