Линклар

Шошилинч хабар
29 март 2024, Тошкент вақти: 13:57

Франция "Ўргимчак-одам"ни фуқароликка қабул қиладиган бўлди (ВИДЕО)


Эммануэль Макрон Мамуд Гассам билан.
Эммануэль Макрон Мамуд Гассам билан.

Франция Парижда ўз ҳаётини хавф остида қолдириб, тўртинчи қаватдан қулаётган болани сақлаб қолган Мали фуқароси Мамуд Гассамга Франция фуқаролигини олишга ёрдам беради. Бу ҳақда Гассамга Франция президенти Эммануэль Макрон ваъда берди.

22 яшар Гассамнинг тўртинчи қаватдаги болани қутқариш учун балконма-балкон чиқиб кетаётгани акс этган видео ижтимоий тармоқларда кенг тарқалди. Видео қаҳрамонининг шижоати ва чаққонлигидан ҳайратга тушган тармоқ юзерлари уни машҳур фильм қаҳрамонига менгзаб “Ўргимчак-одам”, деб атади.

Францияга бир неча ой муқаддам келган малилик меҳнат муҳожирини Елисей саройида президент Эммануэль Макрон қабул қилди. У Мамуд Гассамнинг жасоратини “мислсиз”, деб баҳолади ва Франция маъмурлари унинг бу мамлакатда легаллашишига ёрдам беришини ваъда қилди.

Президент Макрон Гассамга керакли ҳужжатларни қўлга киритганидан сўнг ўт ўчирувчиликка ишга киришни тавсия қилди.

Шанба, куннинг иккинчи ярмида Франция пойтахтидаги кўчалардан биридан ўтиб кетаётган Мамуд Гассам кўпқаватли бино олдида тўпланиб турган одамларни, тўртинчи қават балконида эса, бир ёш бола осилиб турганини кўриб қолади ва дарҳол уни қутқариш учун балконларга осилиб, бир зумда (40 сонияда) тўртинчи қаватга етади.

​Маҳаллий BFMTV канали мухбири саволларига жавоб бераркан, балконда осилиб турган болани кўриши билан "ҳеч нарсани ўйламагани, уни қутқарганини" айтган.

Қутқарувчилар воқеа жойига етиб келганида уларга иш қолмаганини кўрган.

Кейин маълум бўлишича, 4 яшар бола ўз уйида ёлғиз бўлган.

XS
SM
MD
LG