CАМАРҚАНД – “Геология-қидирув экспедициясининг 350 ходими мажбуран маошсиз таътилга чиқарилмоқда” (ВИДЕО)

ҚЎШРАБОТ. “Мен – Ҳабиба Тошбоевна, Самарқанд вилоят, Қўшработ туман, Зармитан қўрғонида жойлашган Зармитан геология-қидирув экспедициясининг 350 нафар ходими номидан мурожаат йўлламоқдаман. Самарқанд геология давлат унитар корхонаси раҳбарияти жорий йил 1 октябрдан 2020 йил 1 январгача Зармитан геология-қидирув экспедициясининг 98 фоиз ходимини мажбурий равишда маошсиз меҳнат таътилига чиқармоқда. Корхона раҳбари катта йиғилишда ишчиларга “қўлингиздан ҳеч нарса келмайди, ариза ёзинглар” деди. 350 ишчи – 350 оила дегани! Уч ой ичида уларнинг оила аъзолари, фарзандлари емайдими, ичмайдими? Ахир, бу муддат ичида вақтинча ишга киришнинг ҳам имкони йўқ-ку! 350 нафар ишчи номидан давлатимиз раҳбаридан ёрдам сўраймиз: ишимизни давом эттиришга имкон яратиб беринг!”

(Бу хабар Озодликка 5 октябрь куни келган.)

Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!