МУЗРАБОТ. “Сурхондарё вилояти Музработ туманидан ёзмоқдаман. Тадбиркорман. Туман ҳокими мансабидан фойдаланиб, қурилиши давом этаётган ишлаб чиқариш бином ҳамда ободонлаштирилган ер участкамни ҳокимият тасарруфига ўтказишга уринмоқда. Бу борада ҳокимлик маъмурий судга даъво аризаси киритган.
Ташландиқ ер майдонини ободонлаштириш ва қурилиш ишларига 400 миллион сўмдан ортиқ маблағ сарфлаганман. Хусусий корхонам давлатга 1 миллиард сўмдан ортиқ солиқларни ўз вақтида тўлаган.
Қачонгача тадбиркорларнинг ҳалол меҳнати назар-писанд қилинмайди? Қачонгача тадбиркорлар хусусий мулкидан ажралиб азият чекади? Туман ҳокими президентимизнинг сиёсатига қарши бораётганини наҳотки тушунмаса? Ахир, давлатимиз раҳбари ўтган ҳафта ўтган селектор мажлисида ҳокимларнинг зўравонлик сиёсатини кескин танқид қилди-ку!
Мансаб ваколатидан фойдаланиб, мулкимни тортиб олишга уринаётган мансабдор зўравонлигидан ҳимоя қилишларини сўрайман”.
(Бу хабар Озодликка 6 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|