НОРИН. “Мен – Абдулбосит Йўлдошев, Наманган вилоят, Норин туман, Юқори Чўжа МФЙдан ёзмоқдаман. Пайвандловчи устаман. 2019 йил бошида қизим саратон хасталигига чалингани маълум бўлди. Йил мобайнида Республика онкология марказида даволаниб келяпти.
Уйга келганидан кейин ҳам кечалари уйқу йўқ. “Тез ёрдам”дагилар ҳам манзилимизни ёддан билишади. Оилада ёлғиз ўзим ишлайман. Аммо даволаниш харажатларини кўтаришга қўлимиз калталик қилмоқда. Аввал эплаб келаётгандек, аммо охирги пайтлар йўлкира, ётоқ, текширувлар, озиқ-овқат, дори-дармонга етказолмай қолдик. Очиғи, ортиқча бир сўм ҳам қолмади. Олдинда эса кўп муолажалар турибди.
Маҳаллага ёрдам сўраб чиқдим, ҳали садо йўқ. Қўл силтаб кредит учун “Агробанк”ка хужжат топширдим, икки ойдан ўтди, аммо кредитдан ҳам дарак йўқ. Камбағалга келганда маблағ ҳам тугаб қолар экан!
Қизим соғайиб боряпти, аммо муолажаларни тўхтатиш мумкин эмас. Ушбу хатни аввало тегишли идоралар, қолаверса, саховатли ҳамюртларимиз ёрдам берарлар деган умидда ёздим”.
(Бу хабар Озодликка 2 октябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|