Ўзбекистон Президенти Шавкат Мирзиёев Эммануэл Макронни сайловдаги ишончли ғалабаси ва Франция Президенти этиб сайлангани билан табриклади.
Бу ҳақда ҳақда хабар қилган ТИВ матбуот хизматига кўра, Шавкат Мирзиёев ўз мактубида Эммануэл Макроннинг «ушбу юқори ва масъулиятли лавозмидаги фаолияти ўзаро ҳурмат, тенг ҳуқуқлилик ва ишонч тамойилларига асосланган анъанавий ва сермаҳсул Ўзбекистон-Франция ҳамкорлигини янада ривожлантиришга йўналтирилади», — деб ишонч билдирган.
Шавкат Мирзиёев янги сайланган Президентга мустаҳкам соғлик ва улкан зафарлар, дўст Франция халқига эса хотиржамлик ва фаровонлик тилади.