Франция пойтахти Парижда 29-30 сентябрь куни ўтган Спорт гимнатикаси бўйича Жаҳон кубогида Оксана Чусовитина таяниб сакраш бўйича энг юқори балл тўплаб, олтин медалини қўлга киритди.
Жаҳон кубогида дунёнинг 20 мамлакатидан келган 40 нафардан кўпроқ спортчи иштирок этди. Мусобақа 2020 йили Япониянинг Токио шаҳрида бўлиб ўтадиган Олимпия ўйинларига рейтинг очколарини тақдим этади.
43 ёшли Оксана Чусовитина 1992 йил Барселонадаги Олимпиадада олтин, Пекиндаги Олимпиадада эса кумуш медалларини қўлга киритган.
Шунингдек, жаҳон чемпионатларида 3 мартадан олтин ва кумуш медал, 4 марта бронза медални қўлга киритган.
Чусовитина Осиё ўйинларининг 2 маротаба чемпиони бўлган.