Саратовдаги автотўқнашувда жароҳат олган 7 одамдан 6 нафари Ўзбекистон фуқаросидир. Бу ҳақда Новости агенитлиги расмийларга таянган ҳолда хабар бреди.
Хабарда айтилишича, жароҳат олган 6 нафар ўзбекистонликдан 5 нафари айни пайтда касалхонада даволанмоқда. Уларнинг аҳволи ўртача оғир экани айтилмоқда. Яна бир нафар ўзбекистонлик врачлар текширувидан сўнг муолажа олиб, касалхонадан чиқарилган.
Автотўқнашувда жароҳат олганлар 22 ёшдан 52 ёшгача бўлган шахслардир.
Аввалроқ Россиянинг Саратов вилояти Энгельс туманида 19 декабрь куни "Камаз" ва "Ларгус" автомашиналари тўқнашуви оқибатида 7 киши жароҳатлангани ва улардан тўрт нафари Ўзбекистон фуқароси экани хабар қилинган эди.
Шу йилнинг 17 ноябрь куни Саратов вилояти Озинский туманида юк поезди ва «Сетра» русумли автобус иштирокида тўқнашув содир бўлган эди.
Ҳалокат натижасида автобусда кетаётган 5 ўзбекистонлик воқеа жойида ҳалок бўлган, 2 қозоғистонлик эса тан жароҳати олган.