Россиянинг ракета синовлари ўтказаётгани ва АҚШнинг Марказий Европада ракета ҳужумидан мудофаа тизими қуриш режаси қурол-яроғ пойгаси бошланишига олиб келади, деган хавотирлар пайдо бўлаётгани юзасидан “Озодлик” мухбири АҚШнинг НАТОдаги элчиси Виктория Нуланд билан суҳбатлашди.
АҚШ президенти Жорж Буш мамлакатнинг собиқ савдо вакили Роберт Зелликни Жаҳон банки президенти лавозимига номзод этиб кўрсатгани расман эълон қилинди.
Россияда матбуот бўғилаётгани ҳақида хавотирлар кучаяётган бир пайтда шу ҳафтада Журналистлар халқаро федерацияси Москвада ўзининг 26-умумжаҳон конгрессини ўтказмоқда.
Қозоғистон президенти Нурсултон Назарбоевнинг тўнғич куёви, мамлакатнинг Австриядаги собиқ элчиси Роҳат Алиевга халқаро қидирув эълон қилинди. Венадаги элчихона вакиллари айни пайтда Р.Алиевнинг қаердалиги номаълумлигини айтмоқда.
Сўнгги икки ҳафта ичида Таиланд ва Ҳиндистонда ўзбекистонлик бир неча фоҳиша қўлга олинди. Кузатувчилар бу ҳали хамир учидан патир экани, хорижда ўзбекистонлик юзлаб аёл фоҳишалик билан шуғулланаётганини айтмоқда.
Президент Ислом Каримовнинг тўнғич қизи раҳбарлик қилаётган Ўзбекистон маданияти ва санъати форуми жамғармаси 18 май куни Москвада катта тадбир ўтказиб, зиёфатига маҳаллий казо-казоларни чақирди.
“Чегара билмас мухбирлар” ташкилотининг дунë мамлакатларида матбуот эркинлиги бўйича эълон қилган навбатдаги йиллик ҳисоботида Ўзбекистон яна матбуот эркинлиги ёмон мамлакатлар рўйхатидан жой олган.
Россия, Қозоғистон ва Туркманистон президентлари Каспий денгизи соҳили бўйлаб ўтадиган газ қувури қуришга келишиб олгани Европа учун яхшилик аломати эмаслиги айтилмоқда.
Christian Science Monitor” газетасида эълон қилинган “Андижон воқеалари нега Ўзбекистонда етарлича ëритилмади” сарлавҳали мақолада Ўзбекистонда сўз эркинлиги йўқолиб бораëтгани, мустақил журналистларнинг таъқиб қилиниши давом этаëтгани, дунё мамлакатлари орасида матбуот эркинлиги бўйича “Ёмонларнинг ёмони” сафидан жой олгани айтилади.
Сўнгги икки йил ичида Ўзбекистонда ўлим жазоси бўйича судлар томонидан чиқарилган бирорта ҳукм ижро этилмаган. Бу ҳақда Ўзбекистон Бош прокуратураси баёнот тарқатди.
Андижон воқеаларидан кейин мамлакатни тарк этган юзлаб ўзбекистонликларнинг айримлари Ғарб мамлакатларидан бошпана топган бўлса-да, яна кўплари ҳали шундай имкониятни кутиб яшамоқда.
Россия президенти Владимир Путин Қозоғистон сафарини бошламоқда. У ерда қозоғистонлик ҳамкасби Нурсултон Назарбоев билан учрашади ва икки давлат раҳбарлари биргаликда Ашхободга йўл олади.
Европа Иттифоқи табиий заҳиралар илинжида Марказий Осиё билан муносабатларни яхшилашга уринаётган бўлса-да, инсон ҳуқуқлари масаласини четлаб ўта олмаслиги унинг бу ҳаракатларига тўсиқ бўлиши мумкин.
2025 йилга бориб Россияда яшаб қолган асли ўзбекистонлик муҳожирлар сони ҳозиргига қараганда 52 баробар кўпаяди ва улар сони 6 миллион кишига яқинлашиб қолади.
Тошкент шаҳри Сирғали тумани суди ҳуки билан 7 йилга озодликдан маҳрум этилган мустақил журналист ва ҳуқуқ ҳимоячиси Умида Ниëзова иши апелляция тартибида қайта кўриб чиқилиши кутиляпти.
Европа Иттифоқига раислик қилаётган Германия кейинги 10 кун ичида Ўзбекистон ҳукумати икки ҳуқуқ ҳимоячисини қамагани хусусида чуқур ташвиш билдирди.
3 май куни халқаро жамоатчилик жаҳон матбуоти эркинлиги санасини нишонланди. Мазкур байрам арафасида ўзбекистонлик ҳуқуқ ҳимоячиси ва мустақил журналист Умида Ниёзова Тошкент шаҳар Сирғали туман суди томонидан етти йилга озодликдан маҳрум этилди. 1 май куни ҳакамлар 22 январь куни ҳибсга олинган Умида Ниëзовани Ўзбекистон Республикаси Жиноят кодексининг уч моддаси бўйича - чегарани ноқонуний кесиб ўтиш, контрабанда ва давлат тузумига таҳдид солувчи материалларни тайёрлаш ва тарқатишда айбдор, деб топди.
Мустақил журналист ва ҳуқуқ ҳимоячиси Умида Ниëзова устидан ўтаëтган суднинг 1 май кунги мажлиси соат 11 да бошланди. Суд залида бўлган Умиданинг ҳоласи Шафоатнинг Озодлик мухбирига айтишича, давлат айбловчиси Мамедов¸ Умида Ниëзовага 8 йил қамоқ жазоси берилишини сўраган.
Ҳюман Райтс Уотч ташкилоти ўз баёнотида "Гулбаҳор Тўраеванининг олти йиллик қамоқ жазосига ҳукм қилиниши Ўзбекистон Европа Иттифоқи санкцияларига лойиқ давлат эканининг яна бир тасдиғидир", деб айтган.
Яқин вақт ичида Ўзбекистонда нафақат маълум бир компютерни¸ балки интернетдан фойдаланувчиларнинг барчасини ëппасига кузатиш тизими ишга тушади. Бошқача қилиб айтганда¸ Ўзбекистонда ўзгача фикрловчиларни энди виртуал оламда ҳам таъқиб қилса бўлади.
Давомини ўқинг
