тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Ўзбекнинг “ўжар шоири” Шавкат Раҳмон ҳаёт бўлганида 60 ёшга тўлган бўларди. Бир тутам умр, 46 ёш. Бироқ бу умр Шавкат Раҳмонга ўзбек шеъриятида абадият ҳайкали қўйилишига кифоя бўлди. “Шеър вазнга ҳам, қофияга ҳам сиғмайди. Шеър ҳар қандай қолипнинг қовурғаларини синдириб юборади, қофиялардан, вазнлардан бўртиб чиқади”, деган эди Шавкат Раҳмон.
Таниқли қорақалпоқ ёзувчиси Тўлепберген Қаипбергенов 81 ёшида вафот этди. У қорақалпоқ тарихини, миллий маданиятини бадиий адабиётда акс эттирган ягона ёзувчи сифатида танилган. Cобиқ иттифоқ даврида коммунистик ғоялар тарғиботчиси бўлган Тўлепберген Қаипбергенов мустақиллик йилларида президентни пайғамбарга қиёслагани ҳам айтилади.
Ўзбекистонда Рамазон Ҳайити 10 сентябр куни нишонланди. Тошкентдаги масжидлардан бирида ҳайит намозини ўқиган Абдуқаҳҳор ака Озодлик мухбирига бу йил ҳам пойтахт масжидлари намозхонларга тўлгани, амри-маъруф қилган имомлар мусулмонларни "шу кунларга шукр ва сабр-тоқат" қилишга даъват этганини гапириб берди.
Ўзбекистонликлар Рамазон Ҳайитини 10 сентябр куни нишонлади. Шу боис "Эркин микрофон"га қўнғироқ қилган суҳбатдошларимиздан ҳайитни қандай нишонлагани ҳақида сўрадик.
8 сентябрга ўтар кечаси Тошкент вилоятининг Нуробод шаҳри яқинида кўмир юкланган поезд вагонлари издан чиқиб кетди. Озодлик олган маълумотларга кўра, кўмир ортилган 48 вагон ағдарилиб, темир йўл яқинидаги Тошкент-Қўқон автомобил йўлини тўсиб қўйган.
8 сентябр халқаро саводхонлик куни сифатида нишонланади. БМТнинг таълим, фан ва маданият ташкилоти – ЮНЕСКО 1966 йилдан бери саводхонликнинг инсоният тараққиёти ва умуман одамларнинг кундалик ҳаётидаги аҳамиятини ёдда сақлаш мақсадида бу санани нишонлаб келади. Сана муносабати билан болаларга таълим беришни ўзлари учун касб этиб танлаган ўзбек ўқитувчилари ҳаётига бир назар ташлашга қарор қилдик.
"Эркин микрофон"га қўнғироқ қилган тингловчи ва муштарийларимиз Ўзбекистонда яратилган тизимда малакали мутахассисларнинг қадри тушаётгани, тирикчилик илинжида ўзга ўлкаларга мардикорликка кетаётган ўзбекларнинг сони кўпаяётгани ва ҳокимият вакиллари бедодликлари авж олаётганидан гапиришади.
Мустақиллик байрамининг эртасига биринчи қўнғироқ чалингач ўзбекистонлик ўқитувчиларнинг кўпчилиги ўз шогирдларини олдига солиб, пахта далаларига жўнаб кетди. Одатда кузнинг охирларига қадар давом этадиган пахта фронтига жўнатилаётган ўқитувчи ва ўқувчилар армияси сафи кун сайин кенгайиб бормоқда.
"Эркин микрофон"га қўнғироқ қилган муштарийларимиздан бири Сурхондарёда душанба кундан бошлаб ҳамма пахта далаларига хайдалаётганини айтган бўлса, Хоразмдан қўнғироқ қилган суҳбатдошимиз турмуш ўртоғининг бир қўли йўқлигига қарамасдан, унинг 2-гуруҳ ногиронлигини тасдиқловчи ҳужжати бекор қилинганини гапириб берди.
Ўзбекистон мактабларида биринчи қўнғироқ чалинди. Шаҳар мактабларининг ўқувчилари учун бу ҳақиқий шодлик қўнғироғи бўлган бўлса, қишлоқ мактаблари ўқувчиларига кўнглига шодлик билан бирга ғулғула ҳам солди. Қишлоқ ўқувчилари ҳали мактаб партасига ўтирмасдан “эрта-индин пахтага экан”, деган янгиликни эшитди.
Ўзбекистонликлар йил охиригача ўртача 500 АҚШ долларидан маош олади, деб ваъда қилди президент Ислом Каримов. Оддий ўзбекистонликлар эса 500 долларлик иш мамлакатда бўлганида эди, миллионлаб ўзбеклар ўзга ўлкаларда мардикорлик қилмасди, дея президентнинг бу гапларига ҳам шубҳа билан қарамоқда.
Мустақиллик байрами арафасида, 30 август куни Ўзбекистон президенти Бухоро шаҳрига ташриф буюрди. Президент Каримовнинг ташрифи чоғида хавфсизлик чоралари шу даражада кучайтирилдики, ҳатто касалхонага оғир бемор олиб кетаётган тез ёрдам машиналари ҳам тўхтатиб қўйилди.
14 август куни Янгийўл тумани марказида содир бўлган отишма тафсилотларини расмийлар сир сақламоқда. Мустақил журналистлар отишма "Жиҳодчилар", деб аталаётган диний гуруҳга алоқадорликда айбланиб, қидирувда бўлган шахслар ва милиция ходимлари ўртасида рўй берганини аниқлади.
Сурхондарё вилояти, Шеробод туманининг Сариқамиш қишлоғидаги уйлари бузилган кўп болали аёллар, ана шу саволни айтиб йиғламоқда. Мелисалар уйларидан судраб чиқиб, чордеворлари тракторлар билан йиқилган бу аёллар маҳаллий ҳукумат уларга ер бермагани боис, ерни ўзбошимча эгаллаб, уй қурганларини тан олади.
Ўзбекистонда Chevrolet "Spark" автомобили сотувга чиқарилди. Асакадаги "GM Ўзбекистон" қўшма корхонасида ишлаб чиқарилган "понидек" "Spark"нинг "катта отнинг калласидай" нархи, боз устига унинг фақат долларга сотилиши "Spark"ни ҳам аксар ўзбекистонликлар учун сароб-орзуга айлантирадиган кўринади.
Икки ой аввал Сурхондарё вилоятида қамоққа олинган давлат амалдорларининг тақдири номаълумлигича қолмоқда. Сурхондарё вилоят табиатни муҳофаза қилиш қўмитаси раиси Рўзигул Сафаровалар, Денов тумани ҳокими Абдусамат Ҳожиқулов ва бошқа собиқ амалдорларнинг ММХ ҳибсхонасида экани айтилмоқда.
Ўзбекистонда пахта теримига қаттиқ тайёргарлик кўриляпти. Ҳукумат ҳашарчиларни жойлаштириш учун дала шийпонларини тайёрлаш чора-тадбирларидан бу йил ҳам пахта теримининг асосий оғирлиги яна мактаб ўқувчилари ва коллеж-лицейлар талабалари зиммасига тушадиган кўринади.
22 августдан 23 августга ўтар кечаси Тожикистон Давлат хавфсизлиги қўмитасининг вақтинча сақлаш қамоқхонасидан 25 нафар маҳбус қочди. Маҳбуслар қочиш давомида 5 нафар қамоқхона назоратчисини ўлдирдилар. Бу ҳақдаги хабарни Тожикистон давлат хавфсизлиги қўмитаси ҳам тасдиқлади.
22 августдан 23 августга ўтар кечаси Тожикистон Давлат хавфсизлиги қўмитасининг вақтинча сақлаш қамоқхонасидан 25 нафар маҳбус қочди. Маҳбуслар қочиш давомида 5 нафар қамоқхона назоратчиларини ўлдирдилар. Бу ҳақдаги хабарни Тожикистон давлат хавфсизлиги қўмитаси ҳам тасдиқлади.
Ўзбекистон расмийлари ифторлик базмга айланиб кетмасин ва унинг Ислом дини энди пайдо бўлган даврлардагига ўхшатиб ўтказиш важидан бу маросимни ресторанларда ўтказишни тақилаган бўлса, уйида ифторлик қиламан деганларга ҳам муайян чекловларнинг жорий қилинганидан оддий мусулмонларнинг ҳафсаласи пир бўлмоқда.
Давомини ўқинг
