тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Қозоғистон жанубий вилоятлари аҳолиси Ўзбекистон газидан фойдаланади. Бу “зангори олов” Қозоғистонга Қирғизистон орқали айланиб боради. Мазкур газ қувурлари собиқ иттифоқ даврида ётқизилган бўлиб, бугун эса икки давлат ўртасида муаммо келтириб чиқармоқда. Қозоғистон ҳукумати энди катта маблағ сарфлаб алоҳида, Қирғизистон ҳудудидан ўтмайдиган газ қувурлари ётқизмоқчи. Нега? Ҳамкасбим Садриддин ана шу мавзуни ўрганишга ҳаракат қилди.
Эшиттиришимиз Қирғизистонга оид лавҳа билан давом этади. Кузатувчиларнинг айтишларича, Марказий Осиё давлатларида ўз салоҳиятини сақлаб қолиш учун АҚШ ҳам, Россия ҳам анча ҳаракат қилмоқда. Афғонистондаги терроризмга қарши уруш сабаби билан АҚШ нинг ҳарбий базалари Ўзбекистон, Тожикистон ва Қирғизистонда ташкил этилди. Лекин Тожикистон билан Қирғизистонда Россиянинг ҳам ҳарбий базалари бор. Куни кеча Россия ҳукумати Қирғизистонга катта маблағдаги қурол-аслаҳани беғараз ёрдам сифатида берди. Бу нима дегани? Қирғизистон, узоқдаги қуйруқдан яқиндаги ўпка яхши деганларидек, Россияга интиляптими? Ёки яхши бузоқ иккита сигирни эмади, деган мақолнинг ҳаётий исботими бу? Ҳамкасбим Садриддин тайёрлаган лавҳа ана шу ҳақда.
Куни-кеча Афғонистон ҳукумати мамлакатга чегарадош 6 давлат билан гиёҳванд моддалар ишлаб чиқаришга қарши биргаликда курашиш ҳақидаги шартномага имзо чекди. Бу келишувга Берлинда ўтказилган халқаро конференция пайтида эришилди. Улар орасида Туркманистон ҳам бор. Сўнгги пайтларда,айнан Туркманистон орқали гиёҳванд моддаларнинг Россияга ва ундан сўнг Европага олиб ўтилаётгани ҳақида хабарлар тарқалмоқда. Россия телевидениеси бу ҳақда ҳужжатли филм ҳам намойиш қилди. Хамкасбим Садриддин мустақил кузатувчилар билан суҳбат асосида Туркманистоннинг ўзида гиёҳванд моддалар истеъмоли ва унинг бошқа давлатларга ўтиш жараёнини ўрганишга ҳаракат қилди.
Бир неча йиллик танаффусдан сўнг Туркманистон НАТО билан ҳамкорлигини яна давом эттирмоқчи. Нега энди Туркманбоши Сапармурод Ниёзов бундай қарорга келиб қолди? Бу ҳамкорликка Туркманистоннинг мухолифатдаги вакиллари ва кузатувчилар қандай фикр билдиришмоқда? Ҳамкасбим Садриддин ана шу саволларга жавоб излашга ҳаракат қилди.
Дастуримиз дунё матбуотининг Ўзбекистондаги портлашларга нисбатан билдирган муносабатларига оид лавҳалар билан давом этади. Нигоҳимизни энди Россия матбуотига бурамиз. Хўш Россия матбуоти Ўзбекистондаги портлашларга оид қандай фикрлар билдирди? Мавзуни ҳамкасбим Садриддин давом эттиради.
Дастуримиз Ўзбекистондаги портлашларга оид лавҳалар билан давом этади. Бу портлашларни ким ташкил қилганлиги ҳақида Ўзбекистон ҳукумати ўз муносабатини билдирди. Хўш, Ўзбекистондаги инсон ҳуқуқлари ташкилотларининг бу портлашларга муносабатлари қандай? Ҳамкасбим Садриддин Ўзбекистон инсон ҳуқуқлари фаолларининг бу масалага муносабатларини ўрганишга ҳаракат қилди.
Бир замонлар Заҳириддин Муҳаммад Бобур соҳиби бўлган машҳур “Кўҳинур” олмоси бугун Англия қироличасининг манглайида ялтираб турибди. Ўзи мурғакккина бўлган бундай қимматбаҳо тошларга бир пайтлар бутун бир ўлкани беришган. Куни-кеча Москва шаҳрининг милиция ходимлари ана шу қимматбаҳо тошни пуллаётган ўзбекистонлик фуқарони қўлга олишди. Раббим Темиров ёнидан топилган зумрад тош оз эмас, кўп эмас 3 миллион АҚШ доллари қимматида деб баҳоланди. Бу ҳақдаги тўлиқ тафсилотларни ҳамкасбим Садриддин тайёрлаган лавҳадан билиб олишингиз мумкин.
Етти йилдан бери қидирувда бўлган Тожикистон собиқ Ички Ишлар вазири Ёқуб Салимов 24 феврал куни Москвадан Душанбега келтирилди. У 2003 йилнинг 21 июн куни Россия Федерал Хавфсизлик Хизмати ходимлари томонидан қўлга олинган эди. Хўш, Ёқуб Салимовни ватанида нима кутмоқда? Унга ўлим жазоси бериладими, ёки Тожикистон Президенти Имомали Раҳмонов собиқ қуролдошининг жонини асраб қоладими?
Бундан беш йил муқаддам – 1999 йилнинг 16 февраль куни Тошкент шаҳри марказида портлашлар содир этилган, унда расмий маълумотларга қараганда 13 киши, норасмий манбаларга кўра эса 20 дан ортиқ фуқаро ҳалок бўлганди.
Хабарларга қараганда, айрим мутахассислар Москвадаги “Трансваал-парк”нинг гумбази қулаб тушишида бинони бунёд этган турк қурувчиларини айбламоқда.
Тошкент шаҳри Шайхонтоҳур тумани жиноят ишлари суди 62 ёшли Фотима Муқодировани конституциявий тузумга тажовуз қилиш ва диний экстремизмда айблаб, 6 йилга қаттиқ режимли қамоқ жазосига ҳукм қилди.
11 февраль куни Ўзбекистон Миллий хавфсизлик хизматининг Чегара қўшинлари қўмондонлигига АҚШ томонидан тақдим этилган 1 миллион 189 минг долларлик ҳарбий техникани топшириш маросими бўлди.
10 февраль куни бир гуруҳ инсон ҳуқуқлари ҳимоячилари ҳамда оддий фуқаролар Бош прокуратуранинг Иқтисодий жиноятчилик ва коррупцияга қарши кураш бош бошқармаси биносини пикет қилди.
6 февраль куни Тошкент шаҳар ҳокимлиги биноси бир гуруҳ муслималар томонидан пикет қилинди.
5 февраль куни Европада хавфсизлик ва ҳамкорлик ташкилотининг Миллий озчилик масалалари бўйича олий комиссари Рольф Экеус Тошкентга келди.
Ўзбекистонда нашр этиладиган “Моҳият” газетаси ўз муассиси “Туркистон пресс” ахборот агентлигидан молиявий жиҳатдан ажралиб чиқди.
3 февраль куни Тошкентда “Инсон ҳуқуқларини таъминлашда суд-ҳуқуқ ислоҳотларининг роли ва ОАВ билан ҳамкорлик” мавзуида ўтказилган икки кунлик халқаро анжуман ниҳоясига етди.
30-31 январь кунлари Бишкек шаҳрида инсон ҳуқуқларини ҳимоя қилиш бўйича Хельсинки халқаро федерацияси анжумани бўлди. Унда Ўзбекистон инсон ҳуқуқлари мустақил ҳимоячилари ташаббус гуруҳи раиси Суръат Икромов ҳам маъруза қилди.
Ўзбекистон бозорларига ХХ асрнинг 90-йилларида кириб келган АҚШ доллари ўтган давр мобайнида ўз қадрини бир неча бор синаб кўрди.
Хабарларга кўра, 24 январдан 25 январга ўтар кечаси Самарқанд-Тошкент йўналиши бўйича қатновчи автобусга ҳужум уюштирилгач, Вазирлар Маҳкамаси ва Ички ишлар вазирлиги кўрсатмаси билан автобусларнинг тунда юриши маън қилинган.
Давомини ўқинг
