Линклар

Шошилинч хабар
19 март 2024, Тошкент вақти: 08:00

Августда очилган Андижон-Тошкент поезди қатнови номаълум муддатга тўхтатилди


Айрим тасдиқланмаган хабарларга кўра, Ангрен-Поп  йўналиши бўйича қатнаётган юк поезди изидан чиқиб кетиб, ҳалокатга учраган.
Айрим тасдиқланмаган хабарларга кўра, Ангрен-Поп  йўналиши бўйича қатнаётган юк поезди изидан чиқиб кетиб, ҳалокатга учраган.

“Ўзбекистон темир йўллари” ширкатининг маълум қилишича, 23 январь куни эрталаб соат 8 дан “Тошкент-Андижон” йўналиши бўйича поезд қатнови "профилактика мақсадида" вақтинча тўхтатилган. Ижтимоий тармоқларда тарқаган норасмий хабарларда эса¸ Қамчиқ довонидан ўтувчи Ангрен-Поп тунелини кўчки босиб қолгани ортидан қатнов тўхтатилган.

“Ўзбекистон темир йўллари” ширкатининг Озодлик боғланган мулозими тунелнинг кўчки остида қолгани ва поезд ҳалокатга учрагани ҳақидаги хабарлар асоссиз экани, қатнов вақтинча тўхтатилиши линиядаги профилактика ишлари билан боғлиқ эканини айтди.

“Техник кўрик ишларини ўтказиш сабабларига кўра Тошкент-Андижон- Тошкент йўналишида қатновчи 61/62, 60/59–сонли йўловчи поездлари ҳаракати вақтинча тўхтатилди”, - деди “Ўзбекистон темир йўллари” ширкати мулозими.

Айни пайтда бу мулозим мазкур йўналишда поездлар қатновининг қачон тикланишини айтмади.

Айрим тасдиқланмаган хабарларга кўра, Ангрен-Поп йўналиши бўйича қатнаётган юк поезди изидан чиқиб кетиб, ҳалокатга учраган.

"Ангрен-Поп темир йул йуналишининг янги очилган Кул станциясида тоғ жинслари ҳаракатга келиб жуда кучли кўчки содир бўлган. Натижада кетаётган юк поездига шикаст етган, бир нечта вагонлар ёнбошига ағдарилган" дея маълумот йўллади Озодликка ўзини бу воқеадан бевосита хабардор сифатида тақдим этган манба.

Озодлик ҳозирча бу хабарни бошқа мустақил манбалар орқали тасдиқлаш имконига эга эмас.

“Ўзбекистон темир йўллари” ширкатининг Озодлик гаплашган мулозими бу хабарни "миш-миш ва асоссиз гаплар" деди ва бу ҳақдаги бошқа саволларга жавоб беришни истамади.

Фарғона водийсини пойтахт билан боғловчи "Тошкент-Андижон" йўловчи поездинининг дастлабкиси 2016 йилнинг 27 августида Андижонга етиб борган эди.

Шу муносабат билан Андижон темир йўл вокзалида 27 августда йўловчи поездини кутиб олиш маросими бўлиб ўтди.

Уч йил муқаддам Ўзбекистоннинг ўшандаги президенти қарори билан, "Ангрен – Поп" темир йўлини қуриш бошланган эди.

Айни қарорга мувофиқ, узунлиги 123 километрдан зиёд темир йўли, жумладан хитойлик қурувчилар билан биргаликда узунлиги 19,2 километрлик "Қамчиқ" туннели қурилди.

Қамчиқ довони орқали ўтувчи Тошкент-Андижон темир йўл лойиҳаси 2 миллиард долларга баҳоланган.

Озодлик воқеа тафсилотларини ўрганмоқда.

XS
SM
MD
LG