Линклар

Шошилинч хабар
28 март 2024, Тошкент вақти: 17:13

Futbol: "Barselona" - "Spartak Moskva" 3:2


Moskvaning "Spartak" futbol klubi "Kamp Nou"da bir vaqtlar Qozonning "Rubin" jamoasi qayd etgan sensatsiyani qaytalashi mumkin edi. Biroq ... 19 sentabr kuni Chempionlar ligasi birinchi tur o'yinlari doirasida o'tgan uchrashuv 3:2 hisobi bilan "Barselona" jamoasi foydasiga yakunlandi.

"Barsa" hujumchisi Kristian Telyo tarafidan 14-daqiqada kiritilgan gol "Spartak" jamoasi ustidan o'qilgan hukmdek sezildi. Hisob 1:0.

Biroq moskvaliklar himoya bilan birga hujum qilishni ham unutishmadi. Natijada 29-daqiqada "Spartak" hujumchilari Dani Alvesni avtogolga mualliflik qilishga majbur qilishdi. Hisob 1:1.

"Spartak" yarim himoyachisi Romuloning 59-daqiqada kiritgan goli esa "Barsa" o'yinchilarini shoshtirib qo'ydi. Hisob 1:2.

Shundan so'ng o'z uyida g'alabani boy berishni istamagan kataloniyaliklar hujumga tez-tez o'ta boshlashdi.

O'yin birinchi yarmida maydonda nisbatan sust harakat qilgan Lionel Messi 75-daqiqada hisobni 2:2 ga yetkazdi.

To'pni asosan oyoqlari bilan yaxshi o'ynaydigan va past bo'yi tufayli "ikkinchi qavatda" o'zi kam ko'rsata oladigan Messi 80-daqiqada boshi bilan bergan zarba uni dubl muallifiga aylantirdi. Hisob 3:2.

"Barselona" - "Spartak Moskva" 3:2



"Spartak" ustidan qozongan g'alabasidan so'ng "Barselona" uch ochko bilan Chempionlar ligasi "G" guruhida birinchi o'ringa chiqib oldi. 1:1 hisobida durang o'ynagan "Seltic" va "Benfika"lar esa bir ochkoda guruhning ikkinchi va uchinchi o'rinlaridan joy olishdi. Hozircha ochkosiz Moskvaning "Spartak" klubi esa to'rtinchi o'rinda.
XS
SM
MD
LG