АҚШ бизнес ва расмий доира вакилларига ош берилди
Вашингтонда юрган Ўзбекистон делегацияси билан “Виллард интерконтинентал” меҳмонхонасида учрашув бўлиб ўтди.
Президент матбуот хизмати хабарига кўра, учрашувда Ўзбекистон АҚШ расмийлари, бизнес ва илмий доиралар вакиллари иштирок этган.
Учрашувда нутқ сўзлаган президент Мирзиёев: “ Гарчи мамлакатларимиз географик нуқтаи назардан бир-биридан олисда жойлашган бўлса-да, меҳнатсеварлик, бағрикенглик ва ватанпарварлик каби қадриятлар халқларимизни бирлаштириб туради” деб таъкидлади.
Расмий хабарда айтилишича, икки мамлакат компаниялари ўртасида қарийб 4,8 миллиард долларлик янги шартномалар имзоланган. Бунга қадар расмий матбуот 6 ва 8 миллиард долларлик шартномалар имзолангани ҳақидаги фарқли маълумотлар берилган эди.
Шунингдек, бу тадбирда ўзбек мақом санъатини ривожлантириш ва уни дунёда тарғиб этишга қўшган ҳиссаси учун мақом ансамблининг собиқ хонандаси Изро Ашерович Малаковга “Ўзбекистон Республикаси халқ артисти” фахрий унвони берилди.
Унвонни президент шахсан тақдим қилди.
АҚШ президенти Доналд Трамп Twitter саҳифасида Ўзбекистон президенти Шавкат Мирзиёев билан учрашувидан мамнуният изҳор этди.
Ўзбекистон президентининг матбуот котиби Комил Алламжонов Оқ уйда президентлар Шавкат Мирзиёев ва Доналд Трамп учрашуви ҳақида.
Оқ уйдаги учрашув якунланди. Трамп Мирзиёев билан қуюқ ҳайрлашди.