Alyaskada zilzila bo‘ldi, sunami xavfi bor

AQSh Geologiya xizmati payshanba kuni kechqurun Alyaskaning Aleut orollarida 7,2 ball kuch bilan yer qimirlaganini ma‘lum qildi.

Alyaska sohillaridagi bir necha hududlar sunami xavfidan ogohlantirildi.

Talafotlar va qurbonlar haqida hozircha ma‘lumotlar yo‘q.

Alyaskaning ayni hududidagi eng kuchli zilzila 1964 yilning 28 martida sodir bo‘lgan. O‘shanda 9,2 ballik zilzila ortidan 67 metr balandlikdagi to‘lqin ko‘tarilgan edi.