Türkmengaz va Iroq elektroenergetika vazirligi o‘rtasida tuzilgan bitimga ko‘ra, Turkmanistondan Iroqqa 5 yil davomida har yili 9 mlrd.kub gaz eksport qilinadi.
Turkman gazi Eron hududidan o‘tgan gaz trubalar orqali SWAP shartlarida Iroqqa yetkaziladi. Ya’ni Turkman qardoshlar 9 mlrd.gazni Eronga beradi. Eron esa 9,0 mlrd.kub gazni Iroqqa yetkazadi.
Biz o‘zbekistonliklarga o‘tgan yillar va undan oldingi yillarda ham Turkmanistondan sotib olish uchun kontrakt qilinadigan ortiqcha gaz yo‘q deb afsona to‘qib kelishdi. Shu bahonada energetikamizni maqsadli ravishda tiz cho‘ktirgan kremlpitishlar Rossiyadan, 3 ming kilometrdan gaz keltirishga vaj va sabablarni oqlamoqdalar. Yana qanday narxlar, qaysi shartlarda, evaziga nimani garovga qo‘yganimizni haligacha bilmaymiz. 2,7 mlrd.kub gaz uchun qanday ko‘rgulik va yo‘qotishlarga duch kelamiz, buyog‘i endi xudoga ayon.
Shundoq yonimizda, tayyor infratuzilmali turkman gazi bo‘la turib, o‘risdan gaz tilanganlar uchun hech bo‘lmasa, tarixning so‘rog‘i bo‘ladi.
Otabek Bakirov
Iqtisodchi, bloger
Telegramdagi Bakiroo kanalidan olindi
Tahririyatdan: OzodTarmoq ruknidagi mualliflarning nuqtai nazari tahririyat nuqtai nazarini aks ettirmaydi.
