Линклар

Шошилинч хабар
20 октябр 2018, Тошкент вақти: 20:21

СУРХОНДАРЁ – “Банкдан 20 минг доллар ўғирланди"


ШЎРЧИ. "Мен Сурхондарё вилояти Шўрчи туманида истиқомат қиламан. Яқинда туманимизда "Кўз кўрмаган, бироқ қулоқ эшитган" бир катта воқеа рўй берди. Воқеа аслида Шўрчи туман "Халқ банки" Валюта айрибошлаш шаҳобчасида рўй берди. Ушбу банкда бир неча кун аввал қарийб 20 минг АҚШ доллари миқдоридаги маблағ тушки вақтда тўсатдан ғойиб бўлиб қолди. Воқеадан барча мутасадди ташкилотлар расман хабар топди.

Бироқ, банкда бир неча ойдан бери таъмирлаш ишлари кетаётганлиги сабабли кузатув камералари ишламаётган бўлган. Жиноятчининг кимлиги ҳам номаълум. Шунга қарамасдан, банкда ишлайдиган барча ходимлар ИИБ бўлимига сўроққа олиб келинди. Хаммани асл жиноятчи ким эканлиги қизиқтиради. Ахир гап, оз эмас, 20.000$ хақида кетмоқда. Республикадан хам келган ишчи гурух ўрганмоқда".

(Бу хабар Озодликка 16 сентябрь куни юборилган)​

Ўзбекистон Бош прокуратураси бу хабарни тасдиқлади ва воқеа юзасидан жиноий иш қўзғатилганини маълум қилди:

"2018 йил 6 сентябрь куни номаълум шахс ДТ Халқ банки Шўрчи филиали банк кассасидан 100 доллар купюрадаги 20 минг АҚШ доллари миқдоридаги пулларни ўғирлаб кетиб, воқеа жойидан яширинган.
​Мазкур ҳолат юзасидан Шўрчи туман ИИБ ҳузуридаги ТБ томонидан Ўзбекистон Республикаси ЖКнинг 169-моддаси 4-қисми “а” банди билан жиноят иши қўзғатилиб, тергов ҳаракатлари олиб борилмокда.
​Жиноят иши бўйича ҳар томонлама, тўла ва холисона тергов ҳаракатларини олиб бориш мақсадида ёзма кўрсатма берилиб, тергов ҳаракатларининг бориши вилоят прокуратураси томонидан назоратга олинган".

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

Сизнинг фикрингиз

Шарҳларни кўрсатинг

XS
SM
MD
LG