Vulqon parvozlarni to‘xtatib qo‘ydi

Islandiyadagi Grimsvotn vulqoni uyg‘onib, havoda vulqondan chiqqan chang-to‘zon mavjudligi uchun kecha Yevropa shimolida 500 dan ziyod aviaparvoz bekor qilindi.

Vulqon to‘zoni Shimoliy Irlandiya, Shotlandiya va Skandinaviya davlatlari uzra tarqalgan.

Mutaxassislarga ko‘ra, vulqon to‘zoni janubga qarab jilmoqda, biroq shanba kuni uyg‘ongan vulqon havo qatnovlarini o‘tgan yildagiday uzoq muddatga to‘xtatib qo‘ymaydi.

O‘tgan yili Islandiyada boshqa bir vulqon uyg‘onishi oqibatida havo qatnovlari bir necha kunga to‘xtab qolgan, aviashirkatlar bir necha milliard dollarli zarar ko‘rgan edi.