тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Озодликнинг 7 май куни ўтказиладиган 'Баҳс майдони'даги мунозарада ўзбек қизларини фақат 18 ёшдан кейин турмушга бериш тарафдорлари ва бунга қаршилар баҳслашди.
4 май куни тонгда Ўзбекистон инсон ҳуқуқлари жамиятининг Жиззах вилояти бўлими раиси, 59 яшар Бахтиёр Ҳамроев вафот этди. Тошкентдаги Воҳидов номли махсуслаштирилган кўкрак жарроҳлиги маркази тиббий хулосасига кўра, у ичак саратони билан хасталанган эди.
Ўзбекистон президенти Ислом Каримовнинг Москвага қилган сафаридан сўнг, хорижий авиакомпанияларнинг Ўзбекистондаги ваколатхоналари кассалари ўзбек сўмида чипта сотишни тўхтатди. Авиакассалар сотувчиларининг айтишларича ўзбекистонлик фуқаро фақат “Ўзбекистон ҳаво йўллари” самолётларига сўмда чипта харид қилиши мумкин.
Ўзбекистон Президенти Ислом Каримов 26 апрел куни Андижонга борди. Каримов Андижон вилояти халқ депутатлари Кенгашининг навбатдан ташқари сессиясида нутқ сўзлаб, вилоятга янги ҳоким тайинлади. Вилоят ҳокимлиги милиция генералининг қўлидан қишлоқ хўжалиги мутахассисига ўтди.
Жорий йилнинг 28 февралида ўзбек-қирғиз чегарасида ўзбекистонлик аскар отган ўқдан ўзбекистонлик 26 яшар Жавлонбек Мирзаев ҳалок бўлган. Бу ҳақдаги хабар Озодликка 25 апрел куни етиб келди. Жавлонбекнинг ота-онаси уларнинг ўғлини отган аскар жазоланишини талаб қилмоқда. Бу ҳақда Озодликка 25 апрел куни хабар берган Косонсойдаги манбага кўра, Жавлонбек чегарадан мевали дарахтлар кўчати ўтқазаётганда отиб ўлдирилган
Ўзбекистонда “Фуқароларнинг ўзини ўзи бошқариш органлари тўғрисида”ги ва “Фуқаролар йиғини раиси (оқсоқоли) ва унинг маслаҳатчилари сайлови тўғрисида”ги янги таҳрирдаги қонунлар матбуотда эълон қилиниб, кучга кирди.
Наманган вилояти ҳокими ўринбосари Ўктам Эргашев 19 апрел куни Косонсой туманида ўтказган йиғилишида ўнга яқин фермерни калтаклади. Озодлик манбасининг хабар қилишича, орадан икки кун ўтиб вилоят ҳокими Баҳодир Юсупов ҳам шаҳар газ таъминоти идораси раҳбарини ҳаммани олдида калтаклаган.
Озодликнинг навбатдаги "Баҳс майдони"да Гулнора Каримованинг Интернетда эълон қилган ярим яланғоч суратлари ҳақида баҳс юритилди.
Андижон вилоятининг Избоскан тумани Пойтуқ шаҳарчасидаги Ўзбекистон Бош прокурори Рашид Қодиров ўқиган 2-умумтаълим мактабига элтувчи йўлнинг икки четидаги уйлари бузилаётгани тўғрисида Озодлик 11 апрел куни хабар берган эди. Сўнгги хабарларга қараганда, ҳокимлик аҳолига ёрдам бера бошлаган.
Термиз шаҳри ҳокими аҳолига ер участкаларини ғайриқонуний равишда сотганликда айбланиб, ишдан олинди. Собиқ ҳоким устидан жиноят иш қўзғатилди. Бир ой муқаддам эса Термиз шаҳар прокурори пора олганликда айбланиб, қўлга олинган эди.
Ўзбекистонда ипак қурти боқиш мавсуми бошланди. Ҳар доимгидек пилла қурти боқиш мажбурияти фермерлар зиммасига юклатилмоқда. Фермерларнинг айтишларича, бир ярим ой давом этадиган бу оғир ишга болаларни жалб қилмасликнинг иложи йўқ.
Озодликнинг навбатдаги Баҳс майдонида қишлоқ ва маҳалла оқсоқоли сайловида демократик принципларга қанчалик амал қилинаётгани, оқсоқоллар ҳокимларнинг югурдагими ёки маҳалла муаммоларини ҳал қилишда одамлар суянса бўладиган шахсми, каби саволлар устида баҳслашилди.
Халқаро Қизил Хоч қўмитаси Ўзбекистондаги жазони ижро этиш муассасаларига боришни тўхтатди. Қизил хоч қарорига маҳбусларни бориб кўриш йўлида турли хил тўсиқлар қўйилаётгани бундай қарор қабул қилинишига сабаб бўлган.
Андижон вилоятининг Избоскан тумани Пойтуқ шаҳарчасидаги 2-умумтаълим мактабига элтувчи йўлнинг икки четидаги аҳоли уйлари ва тадбиркорлик объектлари бузиляпти. Маълум бўлишича, бу мактабда бир пайтлар Ўзбекистон Бош прокурори Рашид Қодиров таҳсил олган.
14 йиллик қамоқ жазоси тугаган 72 ёшли таниқли ëзувчи Мамадали Маҳмудов камида яна уч йил қамоқда қоладиган бўлди.
Тошкент вилоятида яшаётган аҳолининг реал даромади 2000 йилга нисбатан 10 бараварга яқин, иш ҳақлари эса 14 маротаба ошди. Тошкент вилояти халқ депутатлари Кенгашининг навбатдан ташқари йиғилишида бу рақамларни келтирган президент бу муддат ичида нарх-наволар қанчага ошгани ҳақида гапирмади.
Ўзбекистоннинг Самарқанд ва Бухоро вилоятларида давлат ҳокимияти ва бошқарув органларининг фуқароларнинг мурожаатларига қисқа муддатда жавоб бериш тажрибаси синаб кўрила бошлади. Бу “Давлат ҳокимияти ва бошқаруви органлари фаолиятининг очиқлиги тўғрисида”ги қонун лойиҳасини синовдан ўтказиш бўйича ўтказилмоқда.
Навбатдаги "Баҳс майдони"да ўзбекистонлик дўхтирларнинг бугунги фаолияти, уларнинг пора олиш ёки олмаслиги ҳақида баҳс юритилди.
Озодликнинг навбатдаги "Баҳс майдони"га ўзбекистонлик мактаб ўқувчиларининг Интернет кафеларга киришини назорат қилиш тарафдорлари ва бунга қаршилар баҳслашди.
Ўзбекистондаги автомобилларга ёнилғи қуйиш шохобчаларида дизел ёнилғиси(солярка) тақчиллашганига бир йил бўлди. Сўнгги кунларда эса АЁҚШларга умуман солярка берилмай қўйди. Расмийлар бунинг сабабини баҳорги экин-тикин мавсумига дизел ёнилғисини захира қилиш билан изоҳламоқда.
Давомини ўқинг
